ABBA, Rifsber, berjahlaup, og lífið fer í hringi

Þegar ég var smá gutti og fjölskyldan bjó í Höfn (Hús á Dalvík sem ég er oft kenndur við) Þá átti Gummi bróðir plötu eða kassettu með ABBA sem oft var spiluð og örugglega í berjahlaupsgerð, fjölskyldan týndi oft ber og það var búin til saft og hlaup. Núna um helgina bauðst okkur að týna rifsber hjá samstarfskonu Grétu minnar, takk fyrir það Bergljót. Í gær var svo búið til Rifsberjahlaup.....en það sem var dálítið magnað og setti af stað þægilegar minningar Deja vú eða hvað sem það er nú kallað var ABBA, já hér á þessu heimili hefur hljómsveitin ABBA verið spiluð DÁLITIÐ MIKIÐ síðan að fjölskyldan fór í bíó á Mamma Mia og 6 ára dóttir mín syngur hástöfum með. ABBA og berjahlaupsgerð......lífið breytist kannski ekki eins mikið og við viljum halda sami fílingur um 30 árum síðar. 

Ég set inn myndir af nýtíndum berjum, berjum í pottinum og þegar hlaupið er komið í krukkurnar.  

Uppskrift.

1 kg ber ) (Með stilkum og eitthvað af laufum)
1/2 l vatn
Soðið og stappað í c.a. 15 mín
Síað vel í gegnum taubleiu
1 lítir af berjasafa
1 kg sykur
Soðið í 25 mín
Veiða syrjuna ofan af og hella í krukkur.

Í þessari uppskrift er ekki notaður hleypir, stilkar og lauf eiga að koma að sömu notum.

Mér finnst nauðsynlegt að eiga rifsberja sultu í ísskápnum t.d. fyrir osta og kex og í sósur.

Athugasemdir

[Helgan, 22.9.2008 kl. 06:30]

skemmtileg síðan hjá þér Júllí

og það er nú ekki laust við að mann langi í osta, kex og rifsberjasultu

[Ylfa Mist Helgadóttir, 22.9.2008 kl. 14:45]

Mmmmmm....

Girnó!

[Rut Sumarliðadóttir, 22.9.2008 kl. 18:11]

Júlli þó, það er svo vont fyrir tölvuna að slefa svona....

[Jónína Dúadóttir, 22.9.2008 kl. 21:48]

Dugnaðurinn