Sú yngsta var 3 ára.

Las bloggið hans Hrafn Jökulssonar áðan ..sjá HÉR og ákvað að taka áskorun hans um senda bréf til hæstaréttar vegna mildunar dóms, samanber frétt á forsíðu Morgunblaðsins í dag..þetta er með ílíkindum, hvaða skilaboð er verið að senda þessum veiku einstaklingum/glæpamönnum.

Skora á ykkur að senda bréf  til [e-mail] og segja hvað ykkur finnst ...hér er bréfið sem ég sendi.


Til Gunnlaugs Claessens, Hrafns Bragasonar, Markúsar Sigurbjörnssonar, Árna Kolbeinssonar og Garðars Gíslasonar.Sem íslendingur lýsi ég miklum vonbrigðum með dóm ykkar í máli ákæruvaldsins gegn Ólafi Barða Kristjánssyni. Hann var í héraðsdómi dæmdur í tveggja ára fangelsi fyrir kynferðisbrot gegn stúlkubörnum. Yngsta fórnarlambið var þriggja ára telpa.Nú hafið þið ákveðið að milda dóminn yfir honum, úr tveimur árum í eitt og hálft. Þið hefðuð getað dæmt hann í 4 ára fangelsi, samkvæmt 2. málsgrein 202. greinar almennra hegningarlaga. En þið milduðuð dóm héraðsdóm, niður í eitt og hálft ár. Mildi hæstaréttar gagnvart kynferðisafbrotamönnum hefur margoft vakið furðu, reiði og hneykslun meðal þjóðarinnar. Afstaða hæstaréttar í þessum hörmulegu málum er á skjön við vilja löggjafans og álit þjóðarinnar.Með kveðju, Júlíus Júlíusson 
Kt: 020266 - xxxx    

Athugasemdir

[Snorri Bergz, 2.2.2007 kl. 14:03]

Til hamingju með afmælið Júlíus.