Bloggfærslur mánaðarins, apríl 2007

Sól - Hiti - La Traviata - Grill og gleði

Aldeildis frábær helgi er liðinn - Fyrst ber að nefna geggjaða en ótrúlega blíðu alla helgina sem stendur enn, þannig að maður á erfitt með að vera inni og hvað þá að einbeita sér að því að gera eitthvað af viti... 20stiga hiti og sól...og logn...spegilsléttur fjörðurinn og allir með bros á vör. 

Fyrri partur helgarinnar - Góður félagsskapur, vinna og slökun og grill og örlítið af sólbrunaCool - já það er apríl. Gott dæmi um hvað svona dagar geta verið yndislegir, 7 ára sonur minn fór út að veiða flugur með vinum sínum kl rúmlega 9 á laugardagsmorguninn og kom ekki heim fyrr en farið var að grilla kl 18.00, ég kíkti á hann um miðjan daginn og spurði hvort að hann vildi ekki koma og fá eitthvað að borða....nei hann mátti ekki vera að því og var ekki svangur -  getur lífið verið betra fyrir svona gutta - frjálsir að fást við það sem þeir gleyma sér við og hafa gaman af...í gærmorgun reif hann sig á fætur eldsnemma, tók til nesti í tösku og var mest allan daginn við fluguveiðar í einstakri blíðu.

Í gær var mér boðið til Skagafjarðar að vera við opnun Sæluviku á Sauðárkróki og síðan á La Traviata í flutningi Skagfirsku Óperunnar í samvinnu við Sinfóníuhljómsveit Norðurlands. Ég bauð tengdamömmu með mér og sagði við hana á leiðinni er við ókum í blíðunni og hitamælirinn í bílnum sýndi 22 gráður " hefðir þú trúað því í haust ef ég hefði sagt að ég ætlaði að bjóða þér á óperuna La Traviata í Varmahlíð og að auki í sól og 20 stiga hita í apríl ? " hefðir þú trúað því ?
Ég ætla að byrja á því að votta ykkur sem voruð ekki í Varmahlíð í gær samúð mínaFrown  Þetta var einstakur viðburður sem að mér skilst verður ekki endurtekin, aðeins þessi eina sýning. Á leiðinni heim í gærkvöldi sá ég margar gæsir á túnum og blettum  og var mér þá hugsað til allrar gæsahúðarinnar sem ég fékk í Íþróttahúsinu í Varmahlið í gær. Krafturinn, leikgleðin, innlifunin og innileikinn í þessari sýningu var þvílíkur að hrein unun var að horfa og hlusta á. Ég hafði ekki séð La Traviata áður, mér líkaði Óperan vel sem slík, Sinfóníuhljósmveit Norðurlands með snillinginn Guðmund Óla Gunnarsson við stjórnvölinn sló ekki feilpúst, þvílíkur munaður fyrir okkur hér á þessu svæði að eiga slíka hljómsveit. Óperukórinn var dásamlegur, einsöngvararnir góðir........en stjarna sýningarinnar var engin önnur en Alexandra Chernyshova, ekki nóg með það að hún söng og lék aðalhlutverkið af þvílíkri snilld ( Ég fæ gæsahúð núna er ég skrifa Þetta) að það hálfa væri nóg, hún var og er stórglæsileg kona og svo má ekki gleyma því að hún er kraftaverkakona með stórum stöfum. Að setja upp La Traviata með þessum hætti á þessum stað er eitthvað sem engin bjóst við að væri hægt eða yrði gert - en hún rak þetta áfram og árangurinn lét ekki á sér standa.
Til hamingju skagfirðingar að hafa fólk eins og Alexöndru og manninn hennar Jón Hilmarsson í byggðarlaginu, þvílíkur drifkraftur og bjartsýni - Svona á lífið að vera - Takk fyrir mig.

 

Held áfram að minna á skrif mín.....

Ég hef haft það sterkt á tilfinningunni að West ham falli ekki alveg frá því að fyrstu fréttir komu um að þeir væru nánast fallnir í febrúar:

Sjá HÉR


mbl.is Curbishley: Erum enn á lífi
Tilkynna um óviðeigandi tengingu við frétt

Ef að ......

.... að stjórnmálaforingjarnir væru álfar. ....hmmmm hvernig væri það...sjá síðustu færslu.
mbl.is Fylgi Samfylkingar og VG jafnmikið
Tilkynna um óviðeigandi tengingu við frétt

Álfafjör.

Hvernig liti það út ef að það væru bara álfar í framboði fyrir kosningarnar...bregðum okkur aðeins yfir í álfavídd.


Geirharður er dularfulli, yfirvegaði en sterki álfurinn…..það halda allavegana hinir álfarnir. Hann horfir yfir dalinn og landareignina, þegir og heldur svo áfram að drekka kaffið sitt og lesa málgagnið. Hinn almenni álfur er smeykur við að mótmæla honum og er það vegna þess að stór ránfugl situr á húsmæninum hjá honum…fólkið er semsagt ekki hrætt við Geirharð heldur ránfuglinn. En þó að hann sé dularfullur þá getur hann sungið og bara nokkuð vel……en í mannheimum er líka sagt að Geir Ólafsson geti sungið.


Forsetinn er af þeirri tegund álfa sem oft eru kenndir við Geirfuglinn…stundum taldir sjaldgæfir…en viti menn þeir hafa galdraseyði eitt grænt og mikið sem þeir skella í sig réttum tíma og púffffff þeir fjölga sér hratt á stuttum tíma…. en samt bara upp að vissu marki. Svo er líka sagt að þegar að það er verið að kanna meðbyr þessarar tegundar standi hún sig illa og ástæðan er sú að allir gömlu álfarnir heyri illa…en þeir vita hvað á að gera á elleftu stundu.

Ómar um dalinn er , gamall, vitur, hoppandi, talandi, leikandi, og syngjandi álfur. Hann er nýfluttur í álfaþorpið og er enn að læra reglurnar. Hann er fluglæs og vel skrifandi og ekki er ólíklegt að hann fari að boxa frá sér áður en langt um líður. Stundum vill hann gleyma boxhönskunum og sumir verða sárir á eftir, en það er kannski það sem þarf til þess að komast að veisluborðinu.

Addi paddi, kiddi gau er þessi litli skemmtilegi….og vel vaxni álfur. Hann er svo heppinn að eiga eina fjöður úr ránfuglinum mikla heima hjá sér og hann dreymir um að komast yfir restina. Hann er ekki mikið fyrir að eiga samskipti við erlendu álfana sem koma í heimsókn á þrettándanum. Hann er meira fyrir að bralla eitthvað með strákunum, veiða á bryggjunni, grípa í spil, eða kannski að taka einn léttan kaffibolla.

Rauðgrímur heitir álfur einn sem þolir vagg og veltu. Hann ólst upp á bóndabæ einum sem er rétt fyrir utan álfaþorpið. Hann er sprækur og hleypur uppá fjöll eins og ekkert sé. Hann er þekktur í álfheimum fyrir þæfðu grænu ullarlambshúfuna sína, enda segir hann að lífið sé lambakjöt og grænt gras. Álfurinn hann pabbi hans hét Ölver og mamma hans Álfdís og þegar átti að skíra hann um 14 ára aldurinn átti hann að heita Álfver í höfuðið á foreldrum sínum  en hann var nú algjörlega á móti því og vildi heita Rauðgrímur og það varð úr.

Í öllum alvöru álfasögum er álfkona eða prinsessa….og stundum vond stjúpa. Í þessu álfaþorpi var aðeins einn svona kvenkyns álfur sem þorði að að taka þátt í leiknum með karlkyns álfunum. Margir litu upp til hennar og sumir kölluðu hana prinsessu. Fyrir nokkrum árum var einn álfur sem hét Golíat, hann kallaði hana alltaf vondu stjúpuna og enn þann dag í dag eru margir sem fylgja þeirri skoðun hans.  En ekkert er nú gaman af ævintýrunum nema eitthvað óvænt gerist. Tatatatammm….eina nóttina rétt fyrir veisluna miklu læðist Rúna Sól prinsessa eða vonda stjúpan allt eftir því í hvaða átt er verið að horfa….. heim að húsi Geirharðs og reynir að ræna ránfuglinum mikla á húsmæninum..
Sást til hennar ?…voru fleiri með henni ?…tekst henni ætlunarverk sitt ? Svör við því og hvort að leður rauðálfurinn Eiki Hawks trylli álfheima birtast þann tólfta.





mbl.is Forsætisráðherra segir varnir Íslands tryggðar
Tilkynna um óviðeigandi tengingu við frétt

Eyddi 100 kalli og fékk tannpínu.

Jón Ásgeir eyddi 650 milljónum og fékk hús....en ég eyddi fyrir stuttu 100 kalli og fékk tannpínu og þurfti svo að eyða 25 þúsund kalli í einhvern kall. Svona er þessu misskipt.

Áfram ísland.


mbl.is Eyddi 300 krónum og fékk 11,7 milljónir
Tilkynna um óviðeigandi tengingu við frétt

Kaupum hann

Það væri gaman að breggggða sér til Köben og fara út að borða á NOMA, ætli þeir sem velja á listann viti af Þremur frökkum hjá Úlfari og Friðriki V á Akureyri ? ...Common EL Bulli á spáni besti staðurinn, þeir eru bara í tómu Bulli - Ég yrði ekki hissa að einhver af íslensku snillingunum sem eiga eitthvað í banka , meira en við hin verði búin að kaupa NOMA fyrir helgi - Áfram ísland og Frakkana og Friðrik V á topp 10 listann - út með Bullið.
mbl.is Noma talið 15. besta veitingahús heims
Tilkynna um óviðeigandi tengingu við frétt

Sigurður rekinn.

Miklar sviptingar og breytingar hafa verið gerðar s.l viku í sjómannastéttinni. Geir Villa og Nonni St. færu sig af Barðanum GK yfir á gamla trillu sem að pabbi hans Geira átti einu sinni, en pabbi hans hafði selt trilluna til Patreksfjarðar eftir að hafa gert hana út frá Grindavík í 11 og 1/2 ár. En nú rekur Stína frá Bóli trilluna fyrir fjölskylduna sem fékk hana í arð eftir að Jóhannes frá Öngum lést en Jóhannes hafði keypt trilluna af Pabba Geira, Stínu fannst gott að þeir strákar Geiri og Nonni myndu gera hana út þar sem þeir þekktu fleyið. Sigurður Ekellund, sænsk ættaður íslendingur var búinn að gera hana út í 2 mánuði, hann stóð sig ekki þannig að Sigurður Var rekinn.

Merkilegt ekki satt Tounge.....en ég óska Pétri innilega til hamingju með nýj starfið hjá 365.


mbl.is Pétur tekur við starfi hjá 365
Tilkynna um óviðeigandi tengingu við frétt

Stóriðja

Þessi færsla er endurskrifuð upp úr færslunni "Fátækleg umræða " frá því í gær

Það hefur ekki farið framhjá neinum að það eru að koma kosningar. Að mínu mati hefur umræðan verið frekar einsleit, umhverfismál, stóriðjumál og skoðanakannanir. Ég sakna þess að ekki sé meira rætt um “Stóriðjuna “ menningu. Ég kalla eftir vandaðri og ígrundaðri umræðu og umfjöllun um menningu bæði af hálfu frambjóðenda og fjölmiðla. Hvaða skoðun og framtíðarsýn hafa frambjóðendur t. d á  áhugaleiklistinni og hátt í 300 hátíðum og menningarviðburðum um landið allt.

Áhugaleikhús á Íslandi er merkilegt og gríðarsterkt, bæði samanborið við hin norðurlöndin og mörg lönd í Evrópu. Það eru um 70 áhugaleikfélög með um 5000 félaga í landinu. Á síðasta ári settu þessi félög upp um 60 sýningar í fullri lengd og áhorfendur voru í þúsundatali. Bandalag íslenkra leikfélaga rekur einnig merkilegan leiklistarskóla 9 daga á sumrin og árangur hans er ótvíræður. Fjárframlag ríkisins til Bandalags íslenskra leikfélaga er grátlega lítið eða um 18 milljónir sem skiptast m.a  á milli félaganna og fara í rekstur þjónustumiðstöðvar BÍL. Fyrir nokkrum árum þá hélst í hendur framlag ríkisins til BÍL og sjálfstæðu leikhópanna/leikhúsanna en nú er þar himinn og haf á milli, BÍL staðið í stað en sem betur fer hefur hagur sjálfstæðu leikhópanna vænkast.

LHM, Landssamtök hátíða og menningarviðburða eru eins árs gömul samtök og hafa á skrá um 240 árlegar hátíðir og viðburði. Ég er ekki viss um að þingmenn og aðrir frambjóðendur átti sig á þessum mikla fjölda og hversu margar af þessum hátíðum eru vandaðar og skipta miklu máli fyrir menninguna í heild og staðina sem þær eru haldnar  á. Margar af hátíðunum vekja mikla athygli erlendis. Í þessari tölu eru ekki hátíðarhöld sem tengjast sjómannadeginum,17. júní, sumardeginum fyrsta, jólum né íþróttamót. Fjórar stærstu hátíðirnar/viðburðirnir - Menningarnótt, Ljósanótt, Fiskidagurinn mikli og Gay Pride fá til sín um 210 þúsund gesti árlega. Aðrar hátíðir eru t.d : Franskir dagar, Galdrahátíð, Bláskeljahátíð, Hvalahátíð, Listasumar, Mærudagar, Handverkshátíð, Svardælskur mars, Vetrarhátíð, Berjadagar, Kvikmyndahátiðir, Ormsteiti, Aldrei fór ég suður, Airwaives, Sauðamessa, Listahátíð, Sjóarinn Síkáti, Humarhátíð, Á góðri stundu, Danskir dagar og svona mætti lengi...lengi telja. Það hefur heldur betur komið í ljós á þessu fyrsta ári LHM að þörfin fyrir samtökin er mikil, og ljóst að það er nauðsynlegt að opna þjónustumiðstöð fyrir hátíðir og menningarviðburði með starfsmanni sem sér um heimasíðu, gagnagrunn, upplýsingaöflun, viðburðalista, upplýsingagjöf, skráningar og svona mætti lengi telja. Mitt mat er að sá starfsmaður eigi að koma frá menntamálaráðuneytinu. Það eru einfaldlega mikil menningarverðmæti, þekking og reynsla í húfi sem þarf að halda utan um og varðveita. Annað sem er mikilvægt að verði hugað að en  það er að koma á fót sjóði þar sem hátíðir og viðburðir geta sótt um styrki í árlega.
 


Smoðanaskönnun.

Nýjustu skoðanakönnuninni sem ég gerði á síðunni minni er lokið og niðurstöður liggja fyrir. Ég hafði áhuga á að vita hvaðan mínir frábæru lesendur kæmu og það var einfaldelga spurt hvar býrð þú ?

Stórreykjavíkursvæðið 25%
Dalvík 22 %
Akureyri 19%
Suðurkjördæmi 9%
Norðausturkjördæmi – Dalvík og Akureyri 8%
Norðvesturkjördæmi 7%
Erlendis 7%

 

Ég er ánægður með dreifinguna og allir komu manni að.
P.s Það voru 340 sem tóku þátt.

Og það er komin ný skoðana smoðanakönnun á síðuna....ég ætla að skella mér í baráttuna um hver hefur bestu skoðanakönnunina um fylgi stjórnmálaflokkana....eða ekki...En spurt er hvaða framboð myndir þú alls ekki  kjósa. Með þessu telur greiningardeild þessar bloggsiðu að við fáum mun betri niðurstöður heldur en hinir 134 sem eru í skoðana smoðana kannanabransanum...ATH það er bannað að vera óákveðinn.



Ferðamál til framtíðar.

Ferðamál til framtíðar - málþing um ferðamál í Dalvíkurbyggð. Laugardaginn 21. apríl 2007 - Dalvíkurskóla

Kl. 10.45 - Húsið opnað, kaffi á könnunni
Kl. 11.00 - Kolbrún Reynisdóttir opnar þingið. Ávarp bæjarstjóra, Svanfríðar I. Jónasdóttur

Kl. 11.05 -  Ferðaþjónusta í dreifbýli - Guðrún Þ Gunnarsdóttir, deildarstjóri ferðamáladeildar   

Hólaskóla.
Kl. 11.30 - Kynning frá Markaðsstofu ferðamála á Norðurlandi.
Kl. 11.45 - Náttúrufar og saga svæðisins – Kristján Eldjárn Hjartarson
Kl. 12.00 - Hádegishlé – kynning á matvælum úr héraði – Local food – Júlíus Júlíusson
Kl. 12.45 - Hagræn áhrif ferðaþjónustu, samlegðaráhrif og tenging við atvinnulíf 
Edward H. Huijbens, forstöðumaður Ferðamálaseturs Íslands.
Kl. 13.15 - Stuttmynd um fjallaskíðamennsku á Tröllaskaga –  frá Jökli Bergmann
Kl. 13.30 - Heilsutengd ferðaþjónusta - Anna Dóra Hermannsdóttir
Kl. 13.45 - Unnið í sex umræðuhópum:

*Hvaða ímynd viljum við hafa? Hvaða ferðamenn viljum við fá? Samvinna atvinnugreina við markaðssetningu og uppbyggingu ímyndar. *Hvernig nýtum við betur tækifæri sem búið er að benda á? (Fuglalíf, sögu- og menningartengd ferðaþjónusta, skemmtiferðaskip, gönguferðir og fjallamennska og íþróttamót ofl.) *Sjóferðir og hvalaskoðun.  Hvað getum við lært af uppbyggingu hvalaskoðunar og sjóferðum  frá Húsavík? - Fundur með Edward H. Huijbens. *Hvernig nýtum við okkur tækifæri sem felast í aukinni umferð í gegnum Dalvík þegar Héðinsfjarðargöng opna ? *Handverk og ferðaþjónusta

Kl. 15.00 - Kynning á niðurstöðum hópa
Kl. 16.00 - Þingi slitið.
Málþingið er öllum opið og eru þeir sem hafa áhuga á ferðaþjónustu á svæðinu hvattir til að mæta og taka þátt

Næsta síða »

Um bloggið

Matarsíða áhugamannsins

Blogg um mat og drykk í sem víðustum skilningi.

Áhugamaðurinn

Júlíus Garðar Júlíusson
Júlíus  Garðar Júlíusson

Um síðuna

Nýjustu myndir

  • iStock 000014807979XSmall
  • iStock 000019931963XSmall
  • iStock 000018872168XSmall

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Spurt er

Hvað borðar þú fisk oft í viku

Innskráning

Ath. Vinsamlegast kveikið á Javascript til að hefja innskráningu.

Hafðu samband