Málið ekki leyst

Það er ljóst að þetta voru kartöflur sem tróðu sér inní mynd á Stöð 2 í gærkvöldi. Í nýjum fréttum af þessu stórmáli er talið að það sé leyst, þetta finnst mér vera ódýr leið til þess að komast frá erfiðu máli sem er kannski búið að klúðra. Þetta er ekki svona auðvelt, hvað finnst Magnúsi Skarphéðinssyni í Músavinafélaginu um að mýs voru hafðar fyrir rangri sök og í raun lagðar í einelti í fréttum og bloggheimum. En það sem að mér finnst vanta í þetta allt saman er ....hvaðan komu kartföflurnar, hver rúllaði þeim og afhverju ? Var það kannski MAÐURINN Á BAKVIÐ TJÖLDIN, eða var þetta SAMKEPPNISAÐILI sem reyndi að líkja eftir músum  ?   Oft er spurt þegar fátt er um svör.

Stóra kartöflumúsarmálið leyst

Athugasemdir

[Steini Briem (IP-tala skráð) 20.2.2007 kl. 20:23]

Saksóknarinn í Baugsmálinu stóð á bakvið þennan músagang.

[Binni (IP-tala skráð) 20.2.2007 kl. 20:25]

Ég er sammála því að málið er engan veginn leyst. Stöð 2 á líka eftir að svara því hvernig kartöflur þetta voru, Rauðar, Gullauga, Helga eða Franskar. Líklega er strax hægt að útiloka franskar, þar sem fyrirfram verður ekki séð hvernig þær eiga að geta rúllað svona.

Svo á líka eftir að koma í ljós hvernig Stöð 2 ætlar að bæta Bónus hugsanlegt markaðstjón, þar sem húsmæður og fráskildir karlar voru þegar tekin að ræða maðkinn í mysunni, mýs í mjölinu og músagang á grænmetisdreglinum - allt með tilheyrandi hrolli og óþægilegri tilhugsun um músaskít í morgunkorninu sem afleiðingu.

Þetta kartöflumúsamál gæti átt eftir að hlaða utan á sig og verða að stórum snjóbolta áður en yfir lýkur.

[Hólmgeir Karlsson, 20.2.2007 kl. 21:51]

Æ þetta músamál er bara frábært,... þvílík "ekki-frétt" ...  Mér fannst miklu meira til þess koma í bakaríinu forðum sem fann bara upp "kúmenbrauðið" eftir að þeir gáfust upp á að útrýma músunum :)
Það hefur aldrei verið skrifað um það, er það nokkuð?

[Snorri Bergz, 20.2.2007 kl. 22:51]

Ingibjörg Sólrún heldur því fram, að Davíð Oddsson hafi verið staddur þarna og valdið þessum vandræðum. Hrafn Jökulsson heldur því á hinn bóginn fram, að þarna hafi Ingibjörg sjálf verið á ferð.

[Vilborg Valgarðsdóttir, 21.2.2007 kl. 00:03]

Mér finnst svona "ekki fréttir" skemmtilegar og lífga upp á annars svarta fréttatilveruna. Það eru oft tómir táradalir dögum saman.

Fleiri kartöflumýs, takk!