Ómar flýgur hærra.

Í gær kom fram á sjónarsviðið nýr stjórnmálaforingi, þar sem að það er föstudagur í dag er um að gera að bera þann nýja saman við þá sem fyrir eru í léttum dúr. Gefum okkur 12 staðreyndir um Ómar sem að öllum líkindum þau hin Geir, Ingibjörg, Guðjón Arnar, Steingrímur  og Jón ná ekki að toppa kallinn með eða hvað – Athugasemdir óskast.

  

Ómar :
Gerði Gísla á Uppsölum frægann og stiklaði stórum um fagurt landið
Hefur djöflast um á frúnni og náð hærri hæðum með henni en margur.
Hefur verið Sumargleðilegur og skemmtilegur um allt land…aftur og aftur…
Er að leika í Borgarleikhúsini í Ást og hann talar nánast ekkert
Gáttaþefur gægist hér inn…..hefur komið fram á mörgum plötum
Getur sungið og samið vísur og tekið bakföll og náð sér á strik aftur.
Er 67 ára og sér um boxlýsingar svo að hárin rísa á skollóttum.
Hefur skrifað nokkrar bækur og samið texta og tekið þátt í Eurovision.
Er maður ársins…er maður ársins og er maður ársins.

Er í feykigóðu formi og getur hoppað og skoppað um allt.

Var í tveimur skyrtum og með tvö bindi í Kastljósinu í gær.
Samdi textann “ Bara að hann hangi þurr” ófullur enda bindindismaður númer 1.

Er þetta ekki á hreinu hvað við kjósum þarf að segja eitthvað meira.

VG áfram í mikilli sókn

Athugasemdir

[Sigfús Sigurþórsson., 23.3.2007 kl. 09:32]

Tjahaaaaa, einhvernveginn finnst mér eitthvað vanta.

[Steinunn Helga Sigurðardóttir, 23.3.2007 kl. 14:00]

frábær upptallning hjá þér, hafði gleymt svo mörgu af því sem hann gerði.  er samt nýbúinn að hlusta á gömlu góðu barnaplötuna með laginu um úlfinn og hænsnakofann!

ljós til þín júlíus !

Steina 

[Hugarfluga, 23.3.2007 kl. 23:49]

Var alveg að kaupa þetta dæmi, en það fór alveg með það þegar Jakob Frímann bættist í hópinn.

[Ásdís Sigurðardóttir, 24.3.2007 kl. 22:05]

Þetta er allt satt sem þú segir um Ómar og vildi ég bara hafa hann áfram á þessari línu, Ómar þingmaður eða Ómar ráðherra, er ekki alveg að gera sig í mínum huga, ennþá. Veit þú skemmtir þér vel á Ronju, við hjónin fórum með 2 af barnabörnum okkar á sýninguna og spurning, hvor aldurshópurinn skemmti sér betur, allavega vorum við öll glöð að lokum

[Anna Benkovic Mikaelsdóttir, 26.3.2007 kl. 11:12]

Ómar er einlægur og æði!