Undarleg staða.

Fyrir okkur sem hafa áhuga á veðri og fylgjast með því að einhverju leiti er þetta veður á Suðurnesjunum frekar óvenjulegt og eflaust fyrir heimamenn líka. Hér á Dalvík fer að verða langt síðan að það hefur snjóað almennilega svona eins og í denn. Þá fóru heilu raðhúsalengjurnar á bólakaf, frí í skólanum í viku, rafmagnslaust og fleira yndislegt. Undanfarna daga eða allt frá áramótum hefur verið hér frost, logn, það snjóar ekki neitt en snjóbyssur skíðafélagsins mala fyrir utan gluggann og framleiða snjó á skíðasvæðið. Á meðan snjóar á mjög óvenjulegum stöðum þar sem jafnvel hefur aldrei áður snjóað t.d  í Irak og Afganistan.......og nú snjóar bara helling á afmörkuðum svæðum á suðurnesjum og suðurlandi, þó það hafi sannarlega gerst áður en þetta er víst dálítið mikið núna.....hvað er eiginlega að gerast ?
Oft er spurt þegar fátt er um svör !

P.s Þessi mynd er c.a frá 1978 - 1984 og er þetta Höfn á Dalvík húsið sem ég ólst upp í , þarna má sjá dálítið af snjó en oft var nú meira. 

Slasaðist í slöngudrætti

Athugasemdir

[Palli Svans (IP-tala skráð) 15.1.2008 kl. 10:20]

Það hefur alltaf snjóað í Afganistan og Norður-Írak!

http://earthobservatory.nasa.gov/NaturalHazards/shownh.php3?img_id=13357

[Rúna Kristín (IP-tala skráð) 15.1.2008 kl. 10:32]

Those were the days my friend :)

Þegar við vorum að horfa í gær á myndskeið frá Grindavík fengum við ægilega heimþrá og langaði að komast í svona action.

[Júlíus Garðar Júlíusson, 15.1.2008 kl. 10:42]

Palli Svans: Takk fyrir þessar upplýsingar en ég sá frétt um eitthvert fjarlægt land þar sem að var nánast að snjóa í fyrsta skipti.....en mér finnst samt undarlegt að það snjói þar en ekki hjá mér
Rúna: Ég skil það vel...en ég er þess fullviss að þegar þið flytjið aftur heim þá fer að snjóa og snjóa...hlakka til...að fá ykkur heim.

[Anna (IP-tala skráð) 15.1.2008 kl. 11:49]

Þá gömlu góðu daga :) þegar snjórinn var meira en metri á hæð marga daga og maður gat gert heilu snjóhallirnar :) hehehe og farið á skíði á hverjum degi það var ekki leiðinlegt.

Fæ alveg backflash að sjá þessa gömlu mynd :D

Dálitil undarleg staðan í dag.

[Jónína Dúadóttir, 15.1.2008 kl. 14:22]

Það er nú sjálfsagt betra að hafa ekki mjög hátt um það , en mér er alveg sama þó það komi aldrei snjór

[Júlíus Garðar Júlíusson, 15.1.2008 kl. 14:32]

Ég get nú bara sagt ykkur það um leið og bloggaði þessa færslu byrjaði að snjóa, ekki mikið en nokkur korn þó og kominn aðeins grámi yfir...