Kræklingaveislan mikla - myndir og uppskrift.

Þegar ég var að vinna að bókinni "Meistarinn og áhugamaðurinn" fékk ég Framnes lánað. Framnes er gamalt lítið hús fyrir utan Dalvík sem er mjög oft myndað, flott lítið hús á flottum stað. Þennan dag vann ég að uppskrift fyrir Bláskelina/kræklinginn frá Norðurskel í Hrísey, réttin kalla ég Eyjafjarðarbláskel. Ég fékk vini mína Alla, Guðmund og bróðir minn Val með mér uppáklædda til að vera gestir í Bláskelja veislunni í og við Framnes. Eiður Máni strákurinn minn var með okkur sem aðstoðarkokkur og þjónn. Finnbogi ljósmyndari tók svo margar góðar myndir og þar sem að það birtast ekki svo margar í bókinni ákvað ég að setja nokkrar hér inn. Þetta var skemmtileg veisla á mögnuðum stað. Sigga og Bjössi í Stjörnunni, glermunir lánuðu okkur nýtt( Nýhannað) Bláskelja sett, stór skál og litlar til að borða úr sem líta út eins og skelin, magnað sett. Við drukkum Clay Station hvítvín frá Vífilfelli og San Pellegrino loftbóluvatn með.

Hér kemur síðan uppskriftin

1 kg af dásamlegri bláskel frá Norðurskel í Hrísey100 gr strengjabaunir
150 gr íslenskir sveppir
200 gr skeljapasta eða annað eftir smekk
1 appelsínugul paprika
1/ 4 dós kjúklingabaunir
4 – 6 meðalstórar gulrætur
4 – 6 meðalstórar kartöflur
3 dl hvítvín
Ferskar koreander greinar til skrauts
Salt
Soð
6 dl vatn
2 knorr fiskteningar
348 gr knorr (Drikkebouillon) bollasúpur
1 tsk paprikuduft
¼ tsk chillíduft
¼ tsk cumin
1 - 2 tsk hunang
2 lárviðarlauf
1 dl hvítvín
3 msk púrtvín

Hugum fyrst að soðinu. Soðefnið sett í pott án vínanna og suðan látin koma upp. Látið malla í 8 mínútur, bætið vínunum í og sjóðið í 2 mínútur í viðbót. Þetta er hægt að gera tímanlega. Athugið að soðið á að vera dálítið bragðsterkt áður en því er hellt yfir réttinn. Afhýðið kartöflur og gulrætur, skerið í hæfilega bita, sjóðið og setjið út í soðið. Sjóðið pasta og strengjabaunir, setjið kjúklingabaunirnar út í pottinn með strengjabaununum til að hita þær. Skerið sveppi í tvennt og steikið í smjöri á pönnu, saltið aðeins. Paprikan skorin í strimla og höfð fersk í réttinum. Sjóðið skeljarnar í vatni og hvítvíni þar til þær opnast. Setjið skeljar, pasta, og baunir í eina stóra skál eða fjórar minni og hellið sjóðandi heitu soðinu með kartöflunum og gulrótunum yfir. Bætið sveppum og papriku út í og blandið létt saman, stráið Maldon salti yfir og dreypið góðri sítrónuólífuolíu einnig yfir. Skreytið með koreander grein.

Berið fram með brauði og vel kældu hvítvíni eða kolsýrðu vatni.

Athugasemdir

[Jónína Dúadóttir, 11.9.2008 kl. 11:35]

Ég hef aldrei verið spennt fyrir skelinni en þetta lítur svakalega vel út

[Hlynur Hallsson, 11.9.2008 kl. 13:40]

Gómsætt, Bláskel er dásamleg!

En Júlli, er ekki tilvalið að bjóða nokkrum konum með næst?:)

Bestu kveðjur,

[Júlíus Garðar Júlíusson, 11.9.2008 kl. 13:46]

Sæll Hlynur

Takk fyrir innlitið. Jú ég er alltaf meir fyrir það...en í tökunum fyrir bókina setti ég upp þrjár veislur, rækjuveisla með blönduðum hóp, fiskisúpuveislu inn á gólfi í fiskvinnslu með stelpunum og svo þessi með strákunum......Stelpur eru aldrei út undan þegar ég á í hlut. Í raun var þetta þannig að það voru engar stelpur á lausu þegar ég var að bjóða í skeljaveisluna....og því var ákvaðeið að það kæmu bara stelpur í fiskisúpuna.

[Agnes Ásta, 11.9.2008 kl. 14:28]

Sæll Júlli 

Ekkert smá girnileg síða og flott

maður verður bara svangur að skoða

[Finnbogi (IP-tala skráð) 11.9.2008 kl. 15:58]

Jo - er ekki rétt að láta fiskisúpuna koma næst :) ....og myndir - auðvitað :-)

[Þórey Dögg Jónsdóttir (IP-tala skráð) 11.9.2008 kl. 22:41]

Mmmm ekkert smá girnilegt hjá þér....Ég á sko alveg örugglega eftir að ræna einhverjum uppskriftum af vefnum þínu til að prufa mig áfram með.  Sniðugt að þú skildir nota Framnes í myndatökuna, þegar ég var heima núna á fiskidaginn þá keyrðum við einmitt heim að húsinu og vorum að dásama þessa einföldu fegurð og frábært útsýni til hafs.

Gangi þér vel Júlli minn með þetta verkefni....fæ ég ekki bókina áritaða ef ég kaupi hana ? (-;

[Doddi - Þorsteinn G. Jónsson (IP-tala skráð) 12.9.2008 kl. 14:14]

Mjög girnilegt Júlli ... og svo vil ég bara láta vita að ég "er á sveimi"

[Ragnhildur Jónsdóttir, 12.9.2008 kl. 20:00]

Júlli, þessa síða er meiriháttar! Hér er margt girnilegt sem þarf að prófa og smakka  Við biðjum að heilsa úr Firðinum

Ragga og Lalli

[Dísa Dóra, 12.9.2008 kl. 21:18]

mmmmmmmmmmm nú er ég farin að slefa.  Ég á nokkuð örugglega eftir að prófa eitthvað héðan í framtíðinni.

Takk fyrir þetta

[Hólmdís Hjartardóttir, 13.9.2008 kl. 14:00]

er virkilega allur þessi snjór í fjallinu? hvenær var myndin tekin?

[Júlíus Garðar Júlíusson, 13.9.2008 kl. 14:02]

Sæl Hólmdís. Myndirnar eru teknar í mai