Fáránleikaspurningakeppni.

Í gegnum tíðina hef ég farið með yfir 100 hópa í Óvissuferðir, oft var þátttakendum skipt í lið og keppt í öllu mögulegu. Eitt skiptið bjó ég til spurningakeppni sem sem var kölluð "Fáránleikaspurningakeppni" það átti að finna út nöfn á þekktum íslendingum út frá 4 stikkorðum (misgáfulegum) sem með einhverjum hætti var hægt að tengja við nafnið eða persónuna. Ég notaði þessar spurningar oft og það var alveg með ólíkindum hvað sumir eru naskir. Til gamans ætla ég að skella þremur hér inn og bið ykkur blogglesendur góðir að spreyta ykkur á vitleysunni ef þannig liggur á ykkur...verðlaunin eru ekki af verri endanum..broskall og hlýr hugur.Sá sem getur öll þrjú rétt í einni tilraun - Fær titilinn "Fáranleikaspurningameistari bloggsins" Ég set inn eina með svari til þess að þið getið áttað ykkur á vitleysunni....hún er eflaust mismunandi mikil eftir spurningum...eða ekki.

.......Öl verslað ( Davíð keypti ölið) Ræður ( Ráðamaður) Stingur ( Odd son ) Karíus og Baktus ( Hárið á honum líktist hárinu á  öðrum þeirra )  =  Davíð Oddson.

1. Sætt  -  Tré  -  Mundi  -  Tík = ?

2. Guð - Fangelsi - Jurt - Krossgátur  = ?

3.Rauður - X íði - Rendur - Lion Bar = ?

Athugasemdir

[Sverrir Þorleifsson, 11.3.2007 kl. 22:30]

númer 3 er held ég Bjarni Fel

[Sverrir Þorleifsson, 11.3.2007 kl. 22:33]

gæti númer 2 verið Guðmundur Jónsson kenndur við Byrgið?

[Þorgerður (IP-tala skráð) 12.3.2007 kl. 00:02]

Númer 2 er Gunnar í Krossinum og númer 3 er Bjarni Felixson. Þarf að leggja höfuðið í bleyti með númer 1.

[Doddi - Þorsteinn G. Jónsson (IP-tala skráð) 12.3.2007 kl. 01:50]

Ég er svo lélegur í þessu, en ég ætla að stela af Sweepy Thoro og segja að nr. 1 sé Björk Guðmundsdóttir, 2. er ... æi, ég sé ekki Guðmund í byrginu endilega eða Gunnar í Krossinum (hvar kemur jurtin inn í það?) ... veit ekki, en 3. er Bjarni Fel.

Hvað er 2?? 

[Lárus Vilhjálmsson, 12.3.2007 kl. 08:21]

1. Björk Guðmunds

2. Gunnar í Krossi

3. Bjarni Fel

[Júlíus Garðar Júlíusson, 12.3.2007 kl. 08:24]

OK..Þið eruð bara nokkuð slungin...takk fyrir að reyna.
Ég kem með útskýringar og nýjar spurningar næstu færslu á eftir einhvern tímann....en Björk er rétt og Bjarni Fel er rétt...en enn vantar númer 2...einhver ?...hún er erfið...