10 hugmyndir til að gleðja með í dag.

Þú getur glatt einhvern í dag. Þó að við eigum ekki að alltaf að þurfa að hafa ástæðu til þess að gleðja einhvern, þá er Sumardagurinn fyrsti samt ágætur til þess. Ég tel íslendingar séu frekar lélegir við að heimsækja vini, kunningja og ættingja án ástæðu. Það er í lagi að fara í heimsókn, án ástæðu og án þess að koma með gjöf. Prófaðu bara í dag að fara í óvænta heimsókn og gleddu þig og aðra. En aðrar leiðir til að gleðja í dag eru t.d: Að búa til lítið sætt kort með eftirfarandi vísukorni í og senda út um allt eða senda það í emaili til vina:


Þökk fyrir þennan vetur,
þökk fyrir brosið þitt.
Þú hefur sól og sumar,
sent inn í hjartað mitt.


10. hugmyndir til að gleðja með í dag:

1. Sendu smsið "Gleðilegt sumar kæri vinur" til allra í símanum þínum.

2. Bakaðu vöfflur og pönnukökur og smsaðu út um allt og segðu að það sé opið hús hjá þér í allan dag . 

3. Skoraðu á vini þína í kapp uppá Esjuna eða annað álíka fjall.

4. Bakaðu hrikalega djúsi súkkulaðiköku og taktu hana méð þér í óvænta heimsókn.

5. Bjóddu öllum ættingjum þínum uppá Brynjuís ( Þessi virkar bara fyrir norðan) hugsaðu um það að þú hefur efni á því að bjóða svo mörgum uppáís, peningar skipta svo litlu máli.

6. Bjóddu öllum börnum systkina þinna með þér í bíó, eða út í leiki á næsta túni.

7.Hringdu í vinkonu þína sem þú hefur ekki hitt lengi og bjóddu henni með þér á kaffihús....Sviss mokka og Sörur eru góðar.

8. Bjóddu ömmu og afa eða mömmu og pabba á rúntinn og nýttu þér svo gjafmild framboð sem eru með kaffi og kökur í boði út um allt.

9.Safnaðu saman nokkrum vinum og þið farið svo og hjálpið Nonna Sig sem er að byggja.

10. Og að lokum farðu í heimsókn til ættingja eða vinar sem er t.d á dvalarstofnun fyrir aldraðra og eyddu deginum þar, ekki koma með súkkulaði, blóm eða gjöf vertu bara til staðar og ekki bara fara í stutta kurteisisheimsókn - Vertu til staðar.

Bentu vinum og kunningjum á þessar hugmyndir hér og skoraðu á þá að framkvæma eitthvað af þeim.

Gleðilegt sumar.

Sumri fagnað með ýmsum hætti

Athugasemdir

[Hólmgeir Karlsson, 19.4.2007 kl. 11:10]

Gleðilegt sumar félagi og takk fyrir líflegan bloggvetur :)
Hugmyndirnar þínar að deginum eru góðar. Það einfalda er oft það besta og það sem gleður mest. Það að vera til staðar og sýna að manni þyki virkilega vænt um fólkið sitt  ..

[Anna Benkovic Mikaelsdóttir, 19.4.2007 kl. 11:19]

Takk fyrir þetta, ætla að fara með son minn og móður að Gljúfrasteini og skoða hús skáldsins.  Fáum okku eina með næstum öllu á leiðinni!

GLEÐILEGT SUMAR!

[Sigfús Sigurþórsson., 19.4.2007 kl. 11:33]

Mér l+ýst vel á númer 7, já best að velja bara eitt, það er alveg yfirdrifið nóg í dag. Gleðilegt sumar.

[Rúnar Haukur Ingimarsson, 19.4.2007 kl. 11:42]

Flottar hugmyndir, held við kíkjum á minjasafnið - annars bara gleðilegt sumar

[Vilborg Valgarðsdóttir, 19.4.2007 kl. 12:18]

Ég tek þig á orðinu, nr. 10 handa mér takk! Gleðilegt sumar og takk fyrir veturinn

[Doddi - Þorsteinn G. Jónsson (IP-tala skráð) 19.4.2007 kl. 12:58]

Sannlega mælir þú kæri bloggvinur og ég mun fara eftir einhverju af þessu - áskoruninni er sem sagt tekið

Gleðilegt sumar!!! 

[Ásthildur Cesil Þórðardóttir, 19.4.2007 kl. 13:08]

Frábær hugmynd algjörlega takk fyrir ábendinguna og áskorunina.

[Guðný S. Ólafsd. (IP-tala skráð) 19.4.2007 kl. 13:44]

Sæll sætur, gleðilegt sumar og takk fyrir veturinn sömuleiðis.

Þú varst verulega flottur í Kastljósinu, sjálfum þér líkur!

Hugsa að ég velji þetta með vöfflurnar þegar ég lít upp úr bókunum.... (en bara fyrir nánustu fjölskyldu )

[Pálmi Gunnarsson, 19.4.2007 kl. 14:25]

Gleðilegt sumar Júlli,allir Dalvíkingar,allir landsmenn og allur heimurinn.  Nr. 11  hringja í Njörð P og gerast SPES vinur.

[Júlíus Garðar Júlíusson, 19.4.2007 kl. 14:42]

Takk öll fyrir góð og skemmtileg comment. - Mæli með Nr. 11 hjá Pálma lítið á www.spes.is

[Ásdís Sigurðardóttir, 19.4.2007 kl. 21:36]

Takk fyrir snilldar hugmyndir, næsta ár birtirðu þær tveim dögum fyrr, annars notaði ég tvær svo ég er greinilega á þinni línu. Gleðilegt sumar

[Guðmundur L Þorvaldsson (IP-tala skráð) 19.4.2007 kl. 23:30]

Gleðilegt sumar Júlli minn og allir aðrir.

[Svava Sigurðardóttir (IP-tala skráð) 20.4.2007 kl. 08:13]

Orð í tíma töluð og frábærar hugmyndir.  Það þarf ekki að vera flókið eða dýrt að gleðja fólk í kringum sig. Að öðrum hugmyndum ólöstuðum fannst mér nr. 10 best!

Gleðilegt sumar

[Kristján Már Þorsteinsson (IP-tala skráð) 20.4.2007 kl. 09:08]

Bara kvitta fyrir mig. Þú varst flottur í kastljósinu..:)