Pirrandi Scooter

Ef rétt er að Scooter hafi verið í útvarpinu, þá þarf að spila hann hátt en aftur á móti er hann ærandi fyrir þá sem ekki fíla hann og og þá geta þeir alls ekki hlustað hátt...en það er líka bannað að klípa og klóra...bara svo það sé á hreinu.

"Kona um fimmtugt var í Héraðsdómi Reykjavíkur í dag dæmd til að greiða 180 þúsund krónur í sekt til ríkissjóðs og leigubílstjóra 100 þúsund krónur í miskabætur auk vaxta fyrir að hafa klórað leigubílstjórann í andlitið og rispað. Ástæða árásarinnar er sú að leigubílstjórinn neitaði " mbl.is.

Réðst á leigubílstjóra sem neitaði að lækka í útvarpinu

Á undanum Mogganum

Gaman þegar maður getur verið á undan Mogganum með frétt......sjá síðustu 2 færslur

Sparisjóður Svarfdæla kostar byggingu menningarhúss á Dalvík

Nýtt - Menningarhús að gjöf.

Þá er komið í ljós hvað var um að vera í Ráðhúsinu hér á Dalvík. Sparisjóður Svarfdæla var að tilkynna að hann væri að kosta byggingu 700 fermetra ja...nokkurskonar Menningarhús á Ráðhúslóðinni, þar yrði pláss fyrir bóka og hérðasskjalasafn, tónlistarsalur/fjölnotasalur, kaffihús, upplýsingamiðstöð og fleira. Um leið tilkynnti Sparisjóðurinn metafkomu fyrir árið 2006 eða rúmlega 900 milljónir í hagnað og ákváðu því að leyfa íbúunum að njóta hluta gróðans....nánar um þetta á www.dagur.net

 

Nýtt - Eitthvað að gerast...fylgist með

10.55
Ég sit hér á þriðjuhæðinni á skrifstofunni minni á Dalvík og sé fullt af fjölmiðlamönnum út um gluggann á Ráðhúslóðinni, Rúv, Stöð 2, blaðamenn. Ég hef ekki hugmynd hvað er að gerast, en það er verið að mynda og nú sé ég að þeir hverfa allir inn í Ráðhúsið....ég mun fara á stúfana og afla frétta....fylgist með.

11.23.  Fjölmiðlaskarinn og fleiri eru enn inni í Ráðhúsinu..það eina sem ég hef komist að er að það sé verið að tilkynna eitthvað stórt....þeir hljóta að fara drattast út....

Þetta eru góðar fréttir.

Mér finnst frábært að það eigi að gera kvikmynd um sögu Thelmu Ásdísardóttur. Það heldur málefninu vakandi sem ekki veitir af, það gefur fólki úti í heimi kraft til þess að segja frá og brjótast út úr myrkrinu og leita sér hjálpar og síðast en ekki síst gæti þetta orðið áhugaverð og afar áhrifarík kvikmynd sem byggð er á sönnum atburðum.

Samið um sögu Thelmu