Guðjón hress, Óli Sprækur, Birkir ver.

Mótið er ekki búið, nú er að taka í hnakkadrambið á rússneska birninum - Áfram ísland. Við tökum þá í.............gegn.

Arnór fyrir Einar, Róland reynir, Snorri slappur

Fylgstu með veðrinu......

Nú er klukkan að verða 14.00, skrifstofan mín er á þriðju hæð og ég horfi beint fram í Svarfaðardal, sólin sést í gegnum skýin, og sendir geisla sína ofan í fallegan dalinn. Á morgun er Kyndilmessa og þá er gott að huga að hvernig verðið er samanber vísuna og einnig er gott að fylgjast með veðrinu í febrúar uppá framhaldið. 

Ef í heiði sólin sest
á sjálfa kyndilmessu,
vænta snjóa máttu mest
maður upp frá þessu.

Ég hef heyrt nokkuð margar útgáfu af henni þessari og læt nokkrar fljóta með og ætla alls ekki að fullyrða um hver sé í raun hin eina rétta. (Sumur segja það eigi að vera sest , en ekki sést , og gerir það nokkurn mun.)

Ef í heiði sólin sést
á sjálfa kyndilmessu,
vænta snjóa máttu mest
maður upp frá þessu.

Ef í heiði sólin sést
á sjálfa kyndilmessu,
frosta og snjóa máttu mest
maður vænta úr þessu.

Ef í kyrru sólin sest
á sjálfa kyndilmessu
snjóa vænta máttu mest,
maður, upp úr þessu


Ef í kyrru sólin sest
á sjálfri kyndilmessu
snjóa vænta máttu mest,
maður, upp úr þessu.

Góan byrjar á konudaginn 18. febrúar. "Grimmur skyldi góudagur hinn fyrsti, annar og hinn þriðji, þá mun góa góð verða"

Ef hún góa öll er góð,
öldin má það muna,
þá mun harpa, hennar jóð
herða veðráttuna.

Oft er talað um að eftir því sem viðrar á Pétursmessu 22. febrúar muni viðra í 40. daga á eftir. Um það er kveðið.

Ef  Pétur í  feikn og frosti særir,
ferna tíu með sér færir,
vorið víst óvíða nærir,
verða sauðir ei frjóbærir.

 

Ógnandi rakvélar og netleikir

Já...það er ýmislegt sem lögreglan þarf að takast á við og tekst á við. Um daginn var frétt um rakvél sem hótaði húseiganda öllu illu, löggan kom og afvopnaði vélina inn í skáp...og nú safnar eigandinn skeggi.  Ætli Warren C Gillette viti af þessu.

Og svo fréttir af því að lögreglan þarf nokkuð oft að fara á heimili vegna deilna milli foreldra og barna um tölvur og ofnotun netleikja eða tölvuleikja almennt. Er þetta starf lögreglunnar ? ráða foreldrar ekki við börn sín ? Það er ljóst og hefur alltaf veið það að það er ekki gott fyrir börn, unglinga eða aðra að spila of mikið af töluleikjum, þetta er fíkn og er ekkert betra en annað á því heimilinu. Er ekki kominn tími fyrir þessar fjölskyldur að gera eitthvað saman og anda að sér fersku lofti......meðan að við eigum það.

Tölvufíkill trylltist

Verð að vera heiðarlegur...

Þegar ég var í vinna með öldruðum í nokkuð mörg ár, sá ég meðal annars um bókavagn. Nokkrir af viðskiptavinum hans voru sólgnir í bækur " Sidneys Sheldon" Þannig að ég hef handfjatlað þær margar, en ekki lesið þær og hef ekki áhuga á því. Einhverra hluta vegna þá var Sidney Sheldon kona langt fram eftir aldri hjá mér, ég fékk semsagt fyrir stuttu vitneskju um að "hún" væri "hann" ekki það að það breyti neinu....en mér liður betur eftir að hafa uppljóstrað fáfræði minni  hér....og nú má byrja að hlæja...hann (hláturinn) lengir lífið.

P.s Blessuð sé minning "HANS"

Sidney Sheldon látinn

Fyrir allan peninginn !

Við getum verið stolt af strákunum "okkar" þeir stóðu sig vel og þessi leikur gat endað allavegana, og það er einmitt það sem gerir handboltann svona spennandi...jafnir leikir, sem geta farið allavegana....þjóðin horfði öll á leikinn í gær...svona næstum . Nú eru það Rússarnir svo við fáum að spila um 5 sætið og það yrði nú aldeilsi frábær árangur. Maður borgar með glöðu geði afnotagjöld Rúv þennan og næstu mánuðina því þessi leikur var " Fyrir allan peninginn" 

Draumurinn úti í Hamborg - Danir sigruðu