Þreytandi mál..ég er farinn á skíði

Þetta samráðsmál ásamt einu til tveimur öðrum er orðið voðalega þreytt og maður hefur ekki lengur áhuga á að lesa fréttir um það. Ég á það gott að geta bara skellt mér á skíði á 10 mínútum og rennt mér í unaðslegum brekkum Böggvisstaðafjalls við Dalvík. Þessi vika er búin að vera æðisleg, frost logn, tungslinskbjart og skíðafærið alveg magnað. Í gær var mikið að gera í vinnuni og á milli kl 16 og 17 skellti ég mér á skíði til að láta þreytu dagsins líða úr mér, börnin komin úr skólanum búin að læra og við fórum öll saman, tók okkur 10 mín að taka okkur til 3 mín að keyra að skíðasvæðinu og 4 mín að skella græjunum á okkur....allir með hjálm....síðan renndum við okkur í stjörnubjörtum himni og tunglskinið lýstu upp fallegan Svarfaðardalinn....um kl 19.30 voru börnin búin að borða og háttuð þreytt og ánægð með daginn....má ég þá frekar biðja um stutta en afar góða skíðaferð heldur en fleiri fréttir af þessu tagi.

Máli gegn olíuforstjórum vísað frá

Athugasemdir

[Þórey Dögg Jónsdóttir (IP-tala skráð) 9.2.2007 kl. 18:39]

Vá hvað þetta var yndisleg lýsing af góðum degi.  Hvenær ætli ég drattist norður á skíði, hef ekki komið heim á skíði í ca. 20 ár !!! Trúir þú því ?? En ég á þetta eftir og læt mig bara hlakka til.

Kveðja til ykkar allra.

[Sonja Lind (IP-tala skráð) 9.2.2007 kl. 19:36]

Búinn að horfa mikið á brekkuna, asnalegt að búa á Dalvík og kunna ekki á skíði. Er enn á snjóþotustiginu :)

kv. Sonja í Brúarlandi

[Guðný Anna Arnþórsdóttir, 10.2.2007 kl. 14:05]

Yndisleg mynd frá Dalvík. Ummm... maður getur skynjað heiðríkjuna, lyktina, hljóðin í snjónum, allt....!