Sá á Sorry.

Pétur er búinn að biðjast afsökunar sem var eins gott, enginn vill hvorki láta líkja sér við Guðmund í Byrginu né láta bendla sig við þetta mál á nokkurn máta. Þó að þetta hafi verið Pétur ...gæti þá kannski verið eitthvað til í því sem hann var að reyna að segja ?  Oft er spurt þegar fátt er um svör

"Pétur H. Blöndal, alþingismaður, sagði stöðu Þórarins Tyrfingssonar hjá SÁÁ uppfylla öll skilyrði sem voru hjá Byrginu í umræðu um fjárhagsstöðu SÁÁ á Alþingi í morgun. Ummælin vöktu hörð viðbrögð, m.a. hjá Steingrími J. Sigfússyni, formanni VG og Össuri Skarphéðinssyni þingflokksformanni Samfylkingar, sem krafðist þess að Pétur yrði víttur ef ummælin yrðu ekki dregin til baka. Þetta kom m.a. fram í hádegisfréttum RÚV. Pétur baðst sjálfur afsökunar á ummælunum og sagðist fyrst og fremst hafa verið að gagnrýna stjórnskipulag. "

Baðst afsökunar á ummælum um SÁÁ

Athugasemdir

[Björn Maríus (IP-tala skráð) 1.3.2007 kl. 17:22]

Framsetningin hjá Pétri var óheppileg!! En, ef að svo ólíklega vill til að eitthvað misjafnt komi upp í rekstri SÁÁ eftir nokkur ár, má þá reikna með því að Össur og Steingrímur víti sjálfa sig fyrir að hafa hamið fróðleiks "fikn" Péturs Blöndal?  

Verður Pétri þetta víti til varnaðar, ég vona ekki.  Hann hefur verið manna duglegastur að varpa fram áleitnum áhugaverðum spurningum, skoða málin frá nýjum sjónarhornum, nokkuð sem aðrir hafa síður gert.  Mörgum atvinnumótmælendum þjóðarinna er fátt tamara en að vera á móti öllu, heilög hneykslun, málskrúð með eða án innihalds.  Það er kominn tími til að skoða innviði margra ríkistofnana og sveitarfélaga betur, faglegt og fjárhagslegt eftirlit. 

Stjórnarandstaðan hefur gagnrýnt stjórnarliða, réttilega að mínu mati, vegna aðgerðaleysis í aðdraganda Byrgismálsins, mér finnst hins vegar vont ef þeir reyna svo að hamla gagnrýnni umræðu um aðrar stofnanir, hverjar sem þær kunna svo að vera.  Það var þessi skortur á gagnrýni hjá stjórn og stjórnarandstöðu sem hefði getað komið í veg fyrir þetta mál. 

Ég vona að Pétur breyti framsögunni, en ekki innihaldinu, SÁÁ þarf að standa skil á sínum pappírum og svara fyrir sitt stjórnskipulag, hvort sem það er í lagi eða ekki.  Misnotkun á almannafé, vafasöm ábyrgðarskipting og verklag er ekki bara bundin við trúarleg meðferðarúrræði, hennar er allstað von þar sem farið er með almanna fé.

Björn Maríus