Af því að það er búið að uppljóstra þessu....

......er sennilega best að eftirfarandi kom fram í dagsljósið einnig. Ég hef vitað þetta lengi en ekki haft kjark til þess að koma fram með þetta, en þessar fréttir frá Burnley gefa mér kjark og ástæðu til þess að opna mig.

Pablo Picasso býr í Mosfellsbæ, hann býr í Kvosinni og er sem stendur að reyna að mála flottara verk heldur en Ásgríms verk sem seldist fyrir 9 millur í gærkvöldi, söluhagnaðurinn rennur til vegagerðar.

Jólasveinnin býr á Dalvík og heitir Brynjólfur Eiríksson, kallaður í Binni í Steinholti. Hann tekur starf sitt alvarlega. Þarna er ekkert plat, hann er með skegg og hugsjón allt árið, þess má geta að hann hefur búið á Dalvík mest allt sitt líf. Binni segir að kannski haldi fólk að hann sé galinn en þetta sé bara sannleikurinn.

M Monroe býr í Brekkugötunni á Akureyri, það sást til hennar á leið í Sjallan þar sem æfingar fyrir Ungfrú Norðurland standa yfir, keppnin fer fram þar 30. mars. n.k Monroe telur líklegt að hún sigri en það verði erfitt vegna þess að það sé mikið um fallegar konur á norðurlandi og á Íslandi almennt ef út í það er farið.

Það er aldrei að vita nema að ég upplýsi fleiri slík leyndarmál hér á næstunni.....

Jesús býr í Burnley

Athugasemdir

[Hólmgeir Karlsson, 5.3.2007 kl. 17:34]

..... ætlarðu að koma upp um Elvis líka? sem er við hesta heilsu og býr í  xxxx ey

[Júlíus Garðar Júlíusson, 5.3.2007 kl. 19:37]

Hólmgeir: Þó að þetta sért þú, þá get ég ekki lofað þeirri uppljóstrun...ég vona að enginn lesi þetta og fatti að ég veit um hann.

[Hólmgeir Karlsson, 5.3.2007 kl. 20:39]

Sendu mér bara hugboð og ég lofa að segja engum frá. Svo er spurning hvort þú ættir ekki að eyða þessum athugasemdum til öryggis,...... Maður veit aldrei ..!!?