Fyrirtækið Síminn.

Ansi magnað fyrirtæki þetta sem heitir Síminn. Hvernig var nú með þetta eftir söluna á Símanum, átti ekki að bæta sambandið við um landið. Sá sem trúði því að það yrði gert allstaðar og fljótt er pínulítill bjáni. Nei við skulum bara halda áfram að borga reikninga okkar hjá Símanum, háa sem háa og njóta þjónustunnar.

Ég bý á Dalvík og er búinn að fá 3 símhringingar undanfarið, þar sem að starfsfólk Símans er að bjóða mér þjónustu sem er ekki í boði hér. Eitt er það að þjónustan sé ekki hér en annað er að mér sé boðin hún símleiðis og með bæklingum í hverjum mánuði.

Einstök heppni að ná sambandi

Athugasemdir

[hs (IP-tala skráð) 31.1.2008 kl. 13:17]

jaherna, hvern skyldi hafa grunað að þjónusta sé verri út á landi. Síminn er ekki góðgerðarsamtök.

[Júlíus Garðar Júlíusson, 31.1.2008 kl. 13:20]

Nú er Síminn ekki góðgerðarsamtök Þá er þetta skiljanlegt.

[Linda Björk (IP-tala skráð) 31.1.2008 kl. 15:06]

Ekki það að ég sé neitt að standa við bakið á Símanum, hef nú nýlega staðið í MJÖG leiðinlegu máli við þá sem var allt þeirra sök en að sjálfsögðu vildu þeir ekki viðurkenna það þótt allt væri til á pappírum.

En ég verð nú að verja þá í sambandi við þessa umsögn þína. Símasambandið um land allt hefur breyst mikið. Þeir eru búnir að vera virkilega duglegir bara í sumar að bæta símasamband. Sjálf hef ég atvinnu af því að keyra og bara til að nefna dæmi þá er komið símasamband yfir Möðrudals- og Mývatnsöræfi sem ekki var áður og er það til mikillar mildi enda ekki gaman að vera þar einn á ferð í engu símasambandi í 2 tíma. Einnig hafa þær bætt símasamband á Fljótsdalsheiðinni rétt við Lauga, Víkurskarði rétt austan við Akureyri, Öxnadalsheiði og Norðurárdalur eru komnir með símasamband - en árið 2006 var þar ekki símasamband frá Engimýri og niðrí Skagafjörð. Á Vatnsskarðinu hafa þeir einnig gert miklar breytingar, en nú er símasamband alveg þar yfir og niður Bólstaðarhlíðarbrekkuna. Ég gæti jú, talið upp töluvert meira, en þar sem þú ert staðsettur á Dalvík ákvað ég að halda mig við Norðurlandið og aðeins austur.

En til að ítreka þetta, þá eru þetta allt staðir sem oft á tíðum er erfið færð og virkilega vond veður, og skiptir alla mjög miklu máli að samband sé komið á þessa staði þar sem fólk hefur oft lend í erfiðleikum.