Hjúkk þá get ég farið rólegur í salkjetið.

Nú eru bara 20 mínútur þar til að ég fer í saltkjötið. Vinafólk býður okkur á hverju ári í hádeginu í það besta heimasaltaða saltkjöt sem til er. MMMMM ég hlakka svo til. Það er gott að að það er rólegt á vígstöðvunum á meðan svo að ég geti einbeitt mér að kjetátinu. Bankaránið upplýst og frekar rólegt í Ráðhúsinu sem stendur.

Sprengidagur. Líklegt er að kjötátið sem tengist þessum degi eigi rætur að rekja til katólsku. Fasta katólskra byrjar einmitt daginn eftir og þá borða þeir ekki kjöt svo sem kunnugt er. Íslenska heitið, sprengidagur, er þekkt frá átjándu öld. Það tengist sjálfsagt kappsfullu áti í huga margra. Hitt er líklegra að nafnið beri að rekja til þeirrar katólsku venju að stökkva vatni á kirkjugesti þennan dag. Dagar sem slíkur siður fylgir heita á þýsku "Sprengtag" og hefði það heiti getað borist til Íslands með þýskum biskupum eða kaupmönnum á síðmiðöldum. Heimildir Vísindavefurinn

Bankaránið upplýst

Athugasemdir

[corvus corax, 5.2.2008 kl. 11:56]

Já bankaránið upplýst og rólegt í ráðhúsinu. Er þá ekkert að gerast? Hins vegar er tekið fram í fréttinni að ræninginn fari væntanlega í það að afplána dóm sem hann hefur áður hlotið. Hvaða asi er þetta eiginlega? Getur maðurinn ekki fengið frið fyrir kerfinu til að fremja fleiri rán? Mér finnst það bölvuð frekja að ætlast til að ræninginn fari að sitja inni núna þegar hann er á góðu skriði þótt eftirtekjurnar séu rýrar.

[Jónína Dúadóttir, 5.2.2008 kl. 12:10]

Verði ykkur að góðu