Einstök laufabrauðslist ,Helluvaðshryggur og jólabað í ullarfötunum

S.l laugadag fórum við fjölskyldan í jólatúr í Mývatnssveitina. Góðir vinir okkar voru komnir í úr borg kreppu og mótmæla til að finna jólafriðinn á norðurlandi. Við fórum um miðjan daginn í Dimmuborgir og hittum þar tvo alvörusveina sem voru skemmtilegir og höfðu frá mörgu að segja. því næst fórum við í stutta heimsókn til Ólafar í Vogafjósi og þar var fullt út úr dyrum, það var skemmtilegt að koma þar inn og finna matarilminn í bland við fjósalyktina. Næsti viðkomustaður var Mývatnsstofa þar var verið að skera laufabrauð og steikja, krakkar að spila jólalög á hljóðfærin sín. Öllum var boðið uppá kakó, smákökur og kleinur og að skera eina laufabrauðsköku án endurgjalds. Það voru eldri konur að handskera kökur þarna og eins og m.a má sjá á myndunum sem fylgja hér með þá eru þetta fallegustu laufabrauðskökur sem ég hef augum litið og ljóst að Mývetningar eiga fá sína líka í þeim efnum. Það var tekið afar vel á móti okkur og allir svo gestrisnir og stemningin ljúf. Nú var komið að hinu árlega jólabaði jólasveinanna í jarðböðunum, það var ansi skemmtilegt að líta á þessa uppákomu, allir jólasveinarnir mættir og fóru allir í baðið nema einn og það sem meira er að þeir fóru í ullarnærfötunum útí.  Nú hljóp á snærið fyrir okkur, vinur okkar er frá Helluvaði í Mývatnssveit og okkur var boðið í lambahrygg og meððí, það var erfitt að fara að neita lamahrygg í sveitasælunni. Þetta var góð kvöldstund og frábær matur á Helluvaði, eins og sjá má á myndinni hér til hliðar þá dugðu nú ekki minna ein tvö stk. hryggir ofan í mannskapinn. Nú var komið að því að keyra heim til Dalvíkur, það var fallegt, stjörnubjart og jólalegt, er við nálguðumst Akureyri var klukkan að verða hálf tíu og enn voru c.a. 30 mín eftir af opnunartíma Jólagarðsins í Eyjafjarðarsveit, þannig að nú var tekin ákvörðun að halda áfram jólaför okkar þó svo að börnin væru sofnuð og komið væri langt fram ám kvöld. Það var ljúft að skoða sig um, setjast niður og spjalla við Benna í Jólagarðinum, þægileg tónlist, fallegar vörur og gott jólaandinn á sveimi. Rétt fyrir lokun og áður en að við fórum jólaskreytingarrúnt um Akureyri, fengum við að bragða á hangilærinu tvíreykta sem hékk uppi hjá Benna mmmmmmm

Það sofnuðu allir fljótt er heim var komið og eflaust hafa draumarnir snúist um mat og jólasveina.

Þetta var snilldar dagur en fyrst og fremst var gaman og gott að hitta vini og eyða smá tíma með þeim.

Athugasemdir

[Jónína Dúadóttir, 9.12.2008 kl. 16:16]

[Soffía (IP-tala skráð) 10.12.2008 kl. 14:04]

Þetta hljómar frábærlega og verð ég að játa að mínar laufabrauðskökur komast ekki í hálfkvist við þessar fallega skreyttu kökur sem myndirnar eru af 

[Ása og strákarni í Helluvaði...í Danmörku (IP-tala skráð) 11.12.2008 kl. 22:42]

Gaman að heyra að þið fenguð laufabrauðskökur þrátt fyrir að stóri bró væri ekki á svæðinu...og enn yndislegra að frétta af lambahryggjunum í Helluvaði...í Mývatnssveit - bara skondið.

Hvaða óþekktarormur var það sem fór ekki í jólabaðið sitt - best að vara sig á þeim kauða þegar hann kemur allllla leið hingað til Helluvaðs að setja í skóinn hjá okkar piltum.

Stórt jólaknús fyrir sendinguna - bæði fallegt og svo hlökkum við til að smakka herlegheitin -

Ása og drengene í DK

[Ylfa Mist Helgadóttir, 14.12.2008 kl. 21:01]

Úff... mínar laufabrauðskökur eru yfirleitt með "húsbóndaskurði" þ.e þessum þremur hefðbundnu röndum. En þessar eru dýrðlegar!

Mikið var gaman að lesa þennan pistil. þú ert svo mikið jólabarn Júlli minn :)

[Bergljót Hreinsdóttir, 16.12.2008 kl. 17:29]

[Snæbjörn Ingi Ingólfsson (IP-tala skráð) 16.12.2008 kl. 21:45]

Já þetta var alveg sérdeilis magnaður dagur.

Kveðja

Snæbjörn