Menn sem leggja lag sitt við fé

Ég tel að þrátt fyrir "ástandið" svokallaða í fjármálaheiminum, þá sé nú gott að gleyma því um stund áður en að við verðum galin...þetta er hrútleiðinlegt......og hvað er þá betra en að hugsa um mat og þá til dæmis hið bráðfallega og stórgóða lambakjet. Um helgina halda Borgnesingar bráðskemmtilega hátíð "Sauðamessu" dagskrá og margt annað skemmtilegt má sjá á vefnum þeirra. Þar verður ærleg skemmtun og m.a verður landsmönnum öllum boðið í kjötsúpu, keppt verður í sparðatíningi og margt fleira. Tilvalið að skalla sér á Sauðamessu með félögunum, éta kjet og enda svo skrallið á hlöðuballi innan um æringja og önnur féleg fés , langt í burtu frá tali um fjármálakreppu sem er í raun bara skortur á sauðfé. Ég minntist á að skella sér með félögunum á Sauðamessu, samkvæmt orðabók Sauðamessunnar þá er félagi - maður sem leggur lag sitt við fé, hvort sem er átt við fjárbændur í uppsveitum Borgarfjarðar eða menn í hinum dökka og illræmda fjármálaheimi..þá er um að gera að fara varlega þegar val á félögum fer fram og ekki draga menn í dilka eftir útliti eða bankastofnunum.

Athugasemdir

[Jónína Dúadóttir, 2.10.2008 kl. 09:51]

[Guðmundur Júlíusson (IP-tala skráð) 2.10.2008 kl. 15:03]

Og þetta þorir hrútabaninn sjálfur að skrifa!!!!

[Ragnhildur Jónsdóttir, 2.10.2008 kl. 19:19]

Hahaha einmitt nauðsynlegt að muna að brosa þessa dagana

[Ylfa Mist Helgadóttir, 3.10.2008 kl. 17:32]

Æi, þessir pólitíkusar eru soddan sauðskepnur blessaðir. Mig langar í kjötsúpu!

[Vala (IP-tala skráð) 6.10.2008 kl. 22:20]

Gaman að sjá þig í síðustu viku.  Má ekki líða svona langt á milli.

Blíðar heilsur til familien.

Vala