Hef fyrir því áræðanlegar heimildir

Bar rétt sisona að segja ykkur frá því að það lítur út fyrir bjartari tíma fyrir West Ham. Botninum í öldudalnum er náð og nú  hysja þeir upp um sig brækurnar og eru á leiðinni í klifurfötin enda veiti ekkir af ætli þeir sér að koma upp úr dalnum. Ég hef fyrir því áræðanlegar heimildir að þeir vinna tvo af næstu þremur leikjum og  fjóra af næstu sex - sjö....fylgist vel með.

Eggert Magnússon: Curbishley með fullan stuðning

Upp er runninn öskudagur....

....ákaflega skýr og fagur
Einn með poka ekki ragur
Úti vappar heims um ból
Góða daginn og gleðileg jól
Úmbarassa Úmbarassa, úmbarassa, sa
Úmbarassa Úmbarassa, úmbarassa, sa.

Þessi söngtexti sem á vel við í dag á þessum degi sem flest börn landsins hafa beðið spennt eftir, á mínu heimili voru sumir búnir að rífa sig upp rúmlega sex í morgun og komnir í búninginn.....en aftur að textanum, mér finnst hann segja jafnmikið/lítið og einhver frétt um þetta blessaða Baugsmál sem enginn skilur lengur. Ég tek ofan fyrir þessum blandaða fyrirspurnarhópi á Alþingi og er jafnspenntur og börnin að heyra svör, en er afar svartsýnn á að þau komi og ef þau koma þá verður að öllum líkindum "Runninn upp annar öskudagur"

Spurt um kostnað við rekstur Baugsmálsins

Málið ekki leyst

Það er ljóst að þetta voru kartöflur sem tróðu sér inní mynd á Stöð 2 í gærkvöldi. Í nýjum fréttum af þessu stórmáli er talið að það sé leyst, þetta finnst mér vera ódýr leið til þess að komast frá erfiðu máli sem er kannski búið að klúðra. Þetta er ekki svona auðvelt, hvað finnst Magnúsi Skarphéðinssyni í Músavinafélaginu um að mýs voru hafðar fyrir rangri sök og í raun lagðar í einelti í fréttum og bloggheimum. En það sem að mér finnst vanta í þetta allt saman er ....hvaðan komu kartföflurnar, hver rúllaði þeim og afhverju ? Var það kannski MAÐURINN Á BAKVIÐ TJÖLDIN, eða var þetta SAMKEPPNISAÐILI sem reyndi að líkja eftir músum  ?   Oft er spurt þegar fátt er um svör.

Stóra kartöflumúsarmálið leyst

Bökunarkartöflur.

Maður sem rúllar kartöflum, kartöflur eða eitthvað annað t.d plómur sem detta úr pokum eða körfu viðskiptavina eða hreinlega alvöru húsamýs. Mér finnst alvarlegt að það sé komin frétt um mýs í Bónus án þess að það sé fullkomin sönnun fyrir því. Enn alvarlega er að ef að það kemur í ljós að það sem svo sannarlega sést rúlla eða ganga yfir gólfið séu tvær mýs eða ein sem skiptir sér svona fimlega í tvennt. Ég sé það fyrir mér að "Ísland í dag" í kvöld verði jafn vinsælt og Spaugstofan eða Eurovision úrslitin....það hafa margir bloggað um þetta og á flestum stöðum sem ég hef komið á í dag var verið að ræða þetta mál, sem kannski er lítið og ómerkilegt,eða fyndið í fyrstu en nú er þetta orðin stærsta frétt dagsins. Ég ætla að fara að drífa mig heim...kem við í búðinni fyrst, kaupa mér popp og kók til að hafa með "Ísland í dag" og renna svo augunum yfir búðargólfið og athuga hvort að ég sjái eitthvað fréttnæmt, sem gæti endað sem "Skúbb" morgundagsins, en það yrði þá að vera stærra en mús eða fleiri en tvær mýs eða þá risabökunarkartöflur.

Kartöflumús í Bónus?

Springi sá sem fyllstur er !

Var að koma úr "yndælishádegisárlegumsprengidagsmat" sem er alltaf í Skógarhólunum á Dalvík hjá Helgu og Guðmundi ár hvert, heimasaltað alvöru kjöt mmmmmm og húsbóndinn búinn að nostra við baunirnar, frábær matur, góður félagsskapur og gott spjall um daginn og veginn. Ég elska svona siði. Takk fyrir mig. Skelli smá upplýsingum um srengidaginn af netinu með í færsluna (Hjallaskoli.is) 
   " Sprengidagur er þriðjudagur í 7. viku fyrir páska. (3. febrúar til 6. mars). Á sprengidag var frá kaþólskum sið borðað mikið kjöt enda var þetta síðasta tækifæri að borða kjöt fyrir lönguföstu. Þá var venjan að borða hangikjöt, saltkjöt eða annan undirstöðuríkan mat sem til var á bænum.Mönnum ber ekki saman um hvaðan heitið á deginum kemur.Í þjóðsögum Jóns Árnasonar segir frá fólki sem var að borða mikla kjötmáltíð og segir húsmóðirinn eftir að búið var að borða: "Guði sé lof, mett er ég og mínir" Dóttir húsmóðurinnar hugsaði með sér að mamma hennar hefði örugglega fengið meira að borða en hún segir: "Springi sá sem fyllstur er!" Þá kom í ljós hver hafði borðað mest því stelpan sprakk sjálf. Sagan segir að eftir það hafi dagurinn verið kallaður sprengidagur.Það var ekki nóg með að ekki mátti bragða kjöt alla föstuna, það mátti heldur ekki tala um kjöt. Almennt var þá að fólk talaði um klauflax í staðinn því menn máttu tala um fisk. Stundum tóku biskupar hart á brotum í föstunni, bæði
ef fólk borðaði kjöt og einnig ef það talaði um það.

Enginn mátti nefna ket
alla föstuna langa:
hver það af sér heyra lét,
hann var tekinn til fanga.

Sprengidagur er enn í heiðri hafður og mjög margir Íslendingar borða salkjöt og baunir alltaf á sprengidag. "

Heyrðu mig nú Halla...

...hvað ert þú að bralla....var ekki textinn eitthvað á þessa leið hjá Ladda. Merkilegt er með þessi slúðurblöð hvað þau eru fljót að að finna út hvað er að gerast eða það sem líklegra er að búa eitthvað til. Kannski halda erlendir þekktir gestir að Ísland sé svo lítið og afskekkt og sennilega lélegt eða ekkert netsamband hér í snjóhúsunum að þeir geti komið óáreittir hingað. Við eigum að vinna í því að Ísland verði slúðuröruggt land, þekkt fólk geti komið og skemmt sér eða dvalið í styttri eða lengri tíma án þess að pressan sé á staðnum eða  myndavélar á lofti.......Ferðaþjónustan í landinu ætti að skoða þetta, þarna eru peningarnir....Slúðurlaust öruggt Ísland er okkar stóriðja....fræga fólkið á meiri peninga heldur en einhverjir álplebbar ekki rétt...Oft er spurt þegar fátt er um svör.

The Sun fjallar um Jude og Höllu

Það er ljótt...

....að halda því fram að einhver sé að segja ósatt og ætla ég ekki að halda því fram. En mér finnst þetta vera frekar ótrúlegt allt saman og ég er hissa ef þeir aðilar sem að þessu koma haldi að fólk trúi þessu.......hmmm þá er ég kannski farinn að halda því fram að einhver sé að segja ósatt...er það kannski málið...Oft er spurt þegar fátt er um svör   

Segir um 30 tré úr Heiðmörk í geymslu

Ótrúleg saga.

Hvað er betra en að vera inni í hlýjunni þegar rigningin og vindurin hamast á húsinu, best væri nú að vera undir sæng og sofa. En einmitt núna þegar veðrið er svona er ég andvaka, ég sem er aldrei andvaka sit nú bara við gluggann, stari út á götuna og horfi út í veðurhaminn sem tekur á sig ýmsar myndir…. hann tekur vel á því og hægir á sér á milli. Rigningin verður myndræn í ljósgeislum götuljósanna og þegar hann fer upp í marga metra á sekúndu er eins og að veðrið breytist í dreka með stóran faðm sem togar trén til sín og sleppir þeim svo með miklum hvin, hann hristir og lemur húsin og treður sér upp undir þakskeggin, eins og að hann sé að fæla fólk út á götu, beint í gin sitt. Er ég stari út um gluggan sé ég engan á ferli, ekki einu sinni farartæki. Ég hef áður setið við þennan glugga og horft út í ýmsum veðrum og alltaf er einhver á ferli,  en núna er enginn ! Oft kemur Óli í Báruhúsi heim á þessum tíma og Stella líka hún vinnur kvöldvaktir á dvalarheimilinu, já og Eggert vélstjóri fer alltaf á sama tíma heim úr vélarhúsinu, þetta er eitthvað undarlegt.Það er komið fram yfir miðnætti og ég hef ekki séð neinn ennþá, er veðrið svo slæmt að enginn þori út ? það hefur oft verið verra, norðan stórgarður með miklum snjó, ófærð og rafmagnsleysi. Ég nenni ekki að halda áfram að fylgjast með, ég fæ mér kaffisopa og jólaköku sem er kannski ekki ráðlegt á þessum tíma, kaffi heldur fyrir mér vöku. Ég ákvað samt að fá mér kaffi ég myndi hvort sem er ekki sofna. Útvarpið !  kannski ég nái veðurfréttunum…. ekkert útvarp ! …suð á öllum stöðvum, kannski er gamla útvarpið mitt búið að syngja sitt síðasta. Klukkan er orðin tvö og ég er ekki vitund syfjuð, það er enginn á ferli, veðurhamurinn hefur aðeins minnkað, en hann rignir mikið enn. Afhverju er ekkert ljós í verksmiðjunni ? þeir eru vanir að vinna á vöktum og það er alltaf ljós þar,  þeir slökkva aldrei á því ekki einu sinni um jól. Ég verð nú að reyna að sofna, fara í rúmið og berja mig niður enda klukkan að ganga fjögur. Ég dottaði í einn klukkutíma og mér finnst ég vera útsofinn, ég skil þetta bara ekki, kannski er svo djúp lægð yfir landinu sem hefir öll þessi áhrif á mig. Nú er klukkan að verða sex og þá er best að fylgjast með systrunum í næsta húsi og Óla í Báruhúsi þau vinna í frystihúsinu og mæta til vinnu klukkan sex , það má stilla klukkuna eftir þeim. Skrýtið, ég hef aldrei á minni löngu ævi upplifað þetta, þau koma ekki ! er ekki virkur dagur ?, jú jú það er miðvikudagur 13 október, ég er kannski orðin hviðusöm, ég verð nú að hætta að hugsa um þetta , þetta á sér eflaust einhverja skýringu, ég er bara svefnlaus. Nú er klukkan að verða sjö  og ég þá get ég hringt í Jóhannes, þetta er nú of mikið af því góða, síminn dauður ! útvarpið…langbylgjan, ég verð að finna hana, helvítis suð..kannski kemur það inn klukkan sjö, þetta suð er eins og ég veit ekki hvað, eftir því sem ég hlusta meira á það, hljómar það eins og napur, sorglegur og einmanna  taktur. Nú er veðrið orðið mjög gott hann hefur alveg lægt og er hættur að rigna, mér nú aðeins létt og vonandi fara hlutirnir að skýrast…." …ss…ss strax… þv. ss  var varpað á nyrsta hluta landsins….s.ss..….vegna geislunar…….allir.. ekki er talið að nokkur hafi komist af…….sssssssssssssssssssssss " 

Ég var að laga til í tölvunni minni og rakst á þessa sögu sem ég skrifaði fyrir löngu er ég beið á læknabiðstofu eftir sjúklingi...ætlaði að henda henni en datt þá í hug að henda henni inná bloggið, hún er hér eins og hún kom af kúnni á biðstofunni.....með villum og öllu. En hvað hefur maður verið að hugsa, þetta er nú ekki trúleg saga....eða hvað ? 

  

Næsti forseti Íslands.

Í gær var Ólafur Ragnar forseti vor í spjallþætti hjá Agli í Silfrinu, ég sá ekki þáttinn og hef lítið heyrt af honum þannig að mér þykir líklegt að allt hafi gengið vel enda á ég ekki von á öðru þegar Ólafur Ragnar á í hlut. Nú eru sumir farnir að velta fyrir sér hver verði næsti forseti landsins, flestum þykir líklegt að Ólafur bjóði sig ekki fram aftur en ég held að hann ætti bara að gera það, hann er að standa sig vel. En ástæðan fyrir þessari færslu á bloggi mínu er sú að í nótt  dreymdi mig hver yrði næsti forseti landsins. Já þeir geta verið undarlegir draumarnir...en margir rætast....en draumnum kom það í ljós að Eva María Jónsdóttir dagskrárgerðarkona myndi sigra með yfirburðum. Ég spyr bara er þetta ekki hinn besti kostur, er ekki málið að láta hana vita af þessu....Oft er spurt þegar fátt er um svör.

Sorglegt.

Allar þessar fréttir af stelpugreyinu og móðurinni "Britney" eru afar sorglegar svo ekki sé meira sagt. Ég vann í tæp 20 ár með öldruðum þar var gömul kona og ef eitthvað var í fréttum líkt og þessar af Britney var hún vön að segja eitthvað á þessa leið " Það þyrfti nú að koma henni á gott sveitaheimili" og þá átti hún við Íslenskt sveitaheimili, þar sem viðkomandi væri í kring um dýrin, fengi almennilegan mat, þyrfti að vinna og væri langt frá sukklíferninu .

Aðdáendurnir áhyggjufullir og hárlokkarnir til sölu