Hafa Hafnfirðingar kjark ?

Jæja þá er ég kominn heim úr góðri vinnuferð til Rvíkur, ekkert verið bloggað í langan tíma.....sem er hið besta mál, nauðsynlegt að taka frí. Í dag ganga Hafnfirðingar að kjörborðinu og þurfa að taka stóra ákvörðun. Þetta mál er að verða dálítið öfgakennt og íbúum enginn greiði gerður með þessum látum. Ef ég byggi í Hafnarfirði og hefði verið með stækkun álvers, þá væri ég snarlega búinn að skipta um skoðun, framganga álversmanna hefði gert það að verkum. Mér finnst þetta snúast um hvort að Hafnfirðingar hafi KJARK til þess að fylgja hjartanu hver sem skoðun þeirra er.

Úrslit í Hafnarfirði gætu legið fyrir kl. 21 til 22

Markaðssnillingar.

Spaugstofumenn brutu lög, Íslendingar brjóta lög á hverjum degi og í því sambandi er hægt að nefna hraðakstur. En það sem ég vildi leggja orð í belg með hér er snilldin í markaðssetningu hjá þeim Spaugstofumönnum, þetta eru snillingar þeir eru búnir að lifa af lengi "300" þættir og þeir kunna að ná í athyglina þegar hennar er þörf, þá setja þeir fótinn inn fyrir gráu línuna og fá mikla athygli og áhorf. En þeir gera það líka vel þ.e.a.s þau skipti þar sem þeir hafa farið yfir strikið þá er efnið vandað eins og um helgina.

Þeir sem eru að velta fyrir sér upp úr þessu lögbroti þeirra og Útvarpsins ættu kannski að tjá sig um siðleysi t.d Tvíhöfða sem er á Rás 2. Þar eru á ferðinni ófyndnir og lágkúrulegir vesalingar. Þetta er mín skoðun og stundum finnst mér eins og að enginn þori að segja eitthvað um þetta bull, eitt er hvort að Jón Gnarr sé fyndinn sem Lýður í Lóttó auglýsingum eða bara einn og sér, en þegar þeir koma saman þá leggjast þeir ansi lágt og eru ekki fyndnir. Þeir virðast vera orðnir bensínlausir og þá leita þeir í það að reyna að vera fyndnir á kostnað þeirra sem minna mega sín. Að Rás 2 skuli taka þátt í slíkum gjörningi sæmir ekki þeir stofnun. Mín skoðun er sú að það eigi enginn að vera útundan þegar grín er annars vegar en það er vandmeðfarið hvernig það er gert, grín á ekki að meiða og alls ekki þá sem eiga það síst skilið.

Spaugstofumenn brutu lög um þjóðsönginn

Yfir heiði háa.

Vonandi hefur nú allt farið vel. Er að keyra til Rvíkur í bítið og vona nú að veðrinu hafi slotað og það verði búið að opna Holtavörðuheiðina í fyrramálið. Ferðin er fjölskylduferð og m.a annars á að fara í Borgarleikhúsið á sunnudaginn kl 14 á síðustu sýningu af Ronju Ræningjadóttur eftir Astrid Lindgren, krakkarnir hafa örugglega gaman af því. Nemendurnir í öðrum bekk Dalvíkurskóla voru að leika og syngja úr verkum Astrid Lindgren í gær á árshátíð skólans og strákurinn minn lék rassálf í Ronju....klukkan 17 á sunnudeginum færum við okkur yfir í Þjóðleikhúsið og sjáum verk eftir ekki síðri höfund en Lindgren , Sitji guðs englar eftir Guðrúnu Helgadóttur, sannarlega spennandi og menningarlegur fjölskyldudagur framundan.

Aðgerðum á Holtavörðuheiði að ljúka

Ómar flýgur hærra.

Í gær kom fram á sjónarsviðið nýr stjórnmálaforingi, þar sem að það er föstudagur í dag er um að gera að bera þann nýja saman við þá sem fyrir eru í léttum dúr. Gefum okkur 12 staðreyndir um Ómar sem að öllum líkindum þau hin Geir, Ingibjörg, Guðjón Arnar, Steingrímur  og Jón ná ekki að toppa kallinn með eða hvað – Athugasemdir óskast.

  

Ómar :
Gerði Gísla á Uppsölum frægann og stiklaði stórum um fagurt landið
Hefur djöflast um á frúnni og náð hærri hæðum með henni en margur.
Hefur verið Sumargleðilegur og skemmtilegur um allt land…aftur og aftur…
Er að leika í Borgarleikhúsini í Ást og hann talar nánast ekkert
Gáttaþefur gægist hér inn…..hefur komið fram á mörgum plötum
Getur sungið og samið vísur og tekið bakföll og náð sér á strik aftur.
Er 67 ára og sér um boxlýsingar svo að hárin rísa á skollóttum.
Hefur skrifað nokkrar bækur og samið texta og tekið þátt í Eurovision.
Er maður ársins…er maður ársins og er maður ársins.

Er í feykigóðu formi og getur hoppað og skoppað um allt.

Var í tveimur skyrtum og með tvö bindi í Kastljósinu í gær.
Samdi textann “ Bara að hann hangi þurr” ófullur enda bindindismaður númer 1.

Er þetta ekki á hreinu hvað við kjósum þarf að segja eitthvað meira.

VG áfram í mikilli sókn

Samúð.

Síðustu dagar hafa verið erfiðir fyrir marga það hefur verið mikið um slys. Ég votta fjölskyldu, ættingjum og vinum konunnar sem lést í bílslysi á Suðurlandsvegi í gær innilega samúð mína. Við skulum hafa þau í bænum okkar í kvöld og á næstunni.

Lést í bílslysi á Suðurlandsvegi

Eiður pumpar í boltann

Frétt frá götublaðinu The Sun hmmm ansi áreiðanlegt. Fréttin gæti alveg eins snúist um að á myndinni sem fylgir fréttinni sé Eiður að pumpa í boltann Það er jafn gáfulegt eins og að trúa þessari frétt. En mikið vildi ég að þetta væri satt...það væri bara algjör snilld.

Eiður Smári orðaður við Manchester United

Ekkert er öruggt !

Mér fannst umræðan sem myndaðist í athugasemdunum vegna skrifa minna HÉR á blogginu um börn á netinu og hver væri ábyrgur vera áhugaverð og fróðleg. Ég ákvað að súmma aðeins upp það helsta sem kom fram sem mér fannst eiga erindi við okkur öll.

Nákvæmlega, góð setning ,,börn eiga ekki að vera ein á netinu" - vildi að ég gæti sjálfur alltaf haldið það prinsip, en reyni að hafa það þannig eins oft og hægt er. Annars velti ég upp hugmynd hér um daginn sem er ekki ný um útivistarreglur á netinu og frétti m.a. að foreldrar gætu keypt sér tæknibúnað sem væri þannig stilltur að aðeins væri opið á netið ákveðinn tíma á hverjum degi. Pétur Björgvin Þorsteinsson

Nýja útgáfan af Microsoft Vista styður það að skilgreina notkunartíma fyrir börn. Fyrir þá sem eru með eldri stýrikerfi þá er hægt að fjárfesta í hugbúnaði sem gerir nákvæmlega það. Kalli

Parental Control er í mörgum þekktum vírusvarnar forritum. Annars má benda á að ef notendur nota Firefox (www.firefox.com) vafrann, þá má setja inn Extensions/Addons sem heita Adblock Plus og Flashblock sem eru hrein snilld. Það er hægt að nálgast þau með að því að fara á https://addons.firefox.org Adblock Plus lokar á hrikalega mikið af auglýsingum, og bíður líka uppá að þú hægrismellir á auglýsingar sem það lokar ekki, og lokað á þær, og Flashblock kemur í veg fyrir að Flash (sem eru aðallega auglýsingar líka) keyri sig upp sjálfkrafa nema að þú smellir á þær og keyrir þær upp. Og svo auðvitað það nýjasta, FoxFilter sem bíður notendum uppá content filtering, þar sem þú getur sett inn viss bannorð á netinu þannig að foreldrar geta síað heimasíður sem börnin mega ekki komast á, og sett lykilorð á það. T.d. orðið "porn" og þá keyrir Firefox ekki  Firefox

Auðvitað ættu allir foreldrar að fræða börnin sín og fylgjast með því hvað þau eru að gera á netinu. En hvað með þau börn sem eru svo ólukkuleg að eiga foreldra sem sinna því ekki?  Er þá ekki bara eitt að gera við því, sama á við um að barnaníðingar eru á ferli í samfélaginu sjálfu, uppfræða börnin og banna þeim að tala við ókunnuga? Að koma lögum yfir níðingana sjálfa er þá væntanlega aukaatriði ef að börnin eru meðvituð um hættuna... Mér finnst merkilegt hvað netið ætlar lengi að vera "óraunverulegur" hlutur sem þarf ekki að lúta sömu reglum og lífið utan netsins. Samt er raunveruleiki okkar orðinn mjög háður netinu að mörgu leiti og líf okkar fer fram á netinu að einhverjum hluta eins og samskipti okkar hér á þessu bloggi sanna. Kristín Kristjánsdóttir

Margir foreldrar fylgjast vel með hvað börnin eru að gera á netinu.  Ég tek það fram að mitt barn fer mjög sjaldan á netið.  Ég hef það fyrir reglu að velja síðuna með mínu barni í þau fáu skipti sem netið er notað, og er í raun bara um 2 til 3 síður sem um er að ræða.  Einnig leyfi ég barninu mínu ekki að skipta sjálft um síðu, heldur verð ég að slá inn næstu síðu.  Vitandi að hún er á "leyfilegri síðu", þá leyfi ég mér að taka til í eldhúsinu og svara í síman, en geng reglulega framhjá tölvunni, til að fylgjast með, og sest hjá henni við og við.  Þetta er bara ekki nóg.  Það er heldur ekki nóg að sitja allan tíman með börnunum.  Klámefni getur poppað upp óumbeðið á barnasíðum, og þegar það gerist, þá er skaðinn skeður.  Það að maður sé búin að skoða síðurnar, og sé í góðri trú um að um barnaefni sé að ræða, dugar ekki.   Það er helvíti hart að ekki sé hægt að forða börnum frá því að klámefni birtist á skjánum, þrátt fyrir ALLAR VARÚÐARRÁÐSTAFANIR.   Fyrir stuttu lenti barnið mitt, 8 ára gamalt, sem var á leikjanet.is, (sem er leyfileg síða fyrir það að vera á) að klámefni birtist að öllum
óvörum.   Netnotkunin var með eftirliti ömmunnar ásamt því að ég var á staðnum.  Ég heyri í ömmuni hljóða upp fyrir sig, þegar hún gekk framhjá tölvunni.  Klámauglýsing í full swing var vinstra megin við leikinn á skjánum.   Sem betur fer var barnið það upptekið í leiknum að það tók minnst eftir þessu, og ég ásamt ömmunni lokuðum síðunni hið snarasta.  Um var að ræða barnasíðuna Leikjanet.is sem er viðurkennd barnasíða, og leikurinn heitir Wicky woo, sem er saklaus barnaleikur, enda á barnasíðu.  Þetta var tilkynnt Barnaheilla, sem sagði að þetta væri ekki fyrsta ábendingin varðandi þessa síðu, heldur væru um nokkur skipti að ræða, þ.am. tengt dúkkulísuleik sem ætlaður er litlum telpum.   Leikjanet.is hefur nú þegar tekið þennan leik út, og tók einnig dúkkulísuleikinn út, um leið og kvörtun barst.Leikjanet.is setti þetta klámefni sjálft ekki inn á sínum tíma að mér best vitandi, en þetta fyrirtæki fær leiki til að hafa á síðunni hjá sér hjá erlendum aðilum, sem geta búið svo um hnútana að klámefni birtist, skv. heimildum frá Barnaheill.  Hvað um það þá er ábyrgðin algerlega þeirra.   Ég sem foreldri ber líka ábyrgð, að sjálfsögðu, en þetta er orðið ansi erfitt að standa undir þessari ábyrgð, ef allar varúðarráðstafanir duga ekki til.   Ég sem ætlaði að forðast það í lengstu lög að fjárfesta í leikjatölvu á borð við Game boy, sem er með svipaða leiki og Leikjanet, er alvarlega að endurskoða þá afstöðu.  Það gilda alveg sömu lögmál hér og þegar barnið er eitt úti, og foreldrið er í glugganum eða með þvi.  Það getur alltaf einhver ráðist á barnið þitt, og þú sem ert með því  úti eða á vaktinni, nærð ekki alltaf að skerast í leikinn nógu snemma.   Við berum ábyrgðina sem foreldrar, en þetta er orðið einum of erfitt fyrir okkur að standa undir þessu, meðan netið er svona "slungið".   Hef engar lausnir, annað en að eða rannsaka vel þá síðu sem á að nota, takmarka netnotkun og sitja alltaf allan tíman með mínu barni og vera tilbúin að slökkva á síðunni.   ÉG treysti í það minnsta ekki síðunni Leikjanet.is, vegna ítrekaðra tilfella.Guðbjörg Matthíasdóttir.

Vil líka benda á spjallið á leikjaneti þar leynast ýmsar gerðir af manneskjum, ég mæli með að foreldrar fylgist vel með því, eða eins og ég gerði ég bannaði dóttur minni að vera á þessu spjalli, fyrir utan að einhverjir eru að biðja um msn og mailin þeirra, þá er hreinn viðbjóður sem er þar stundum í gangi. T.d var ég að fylgjast með þessu spjalli og einhver sem var þarna inni var alltaf að senda slóð og biðja krakkana að fara inná slóðina, ég klikkaði á þetta og endaði inná síðu með dýraklámi.....það eru engin takmörk fyrir ógeðinu sem er í gangi. Verum ábyrg pössum börnin okkar!! Frúin 

Oft má salkjöt þurrt liggja.

Maður les fréttir oft svona á á hlaupum eða rúllar yfir textann, þessa frétt er ég búin að lesa tvisvar sinnum, sennilega er ég bara svona þunnur í kollinum en ég var lengi að átta mig á hvernig þetta sneri allt saman. Ég verð að segja að þetta eru undarleg ummæli hjá Kristni og á frekar lágu plani, þar af leiðandi finnst mér þau ekki svaraverð og er ég hissa á þessari yfirlýsingu frá Högum. "Oft má salkjöt þurrt liggja."

Smjörklípa í Kastljósi

Nei eða já...

...af eða á ...var sungið í Eurovision keppninn hér á landi fyrir nokkrum árum. Kristján Hreinsson er að stimpla sig inn sem okkar helsta Eurovision stjarna okkar Íslendinga þó svo að hann hafi ekki enn sungið tón. Það er hið besta mál því að hann er ágætur og alls ekki síðri en hver annar sem er eða hefur verið í Eurovision sviðsljósinu undanfarin ár. En hver er Peter Fenner ? Ég verð að segja að ég hefði nú áhuga ( Ef þetta er rétt) að heyra texta Kristjáns, því að þó að hann hefði bara skrifað textann með vinstri ( Hægri ef hann er örvhentur) þá gæti hann ekki verið verri en textinn sem Peter Fenner gerði. Það er ekki gott að hafa ekki góðan texta, myndbandið er alveg frábært en það vantar uppá textann að mínu mati.  Áfram Ísland.

Kristján Hreinsson vill hvorki játa né neita

Heimsmeistarkeppnin í Brús - Arabískar ástir og marsinn stiginn.

Menningarhátíðin Svarfdælskur mars verður haldin í Dalvíkurbyggð um næstu helgi, 23. og 24. mars. Þessi héraðshátíð  sem haldin er í marsmánuði ár hvert leggur áherslu á svarfdælska menningu og svarfdælska sérvisku af ýmsum toga.

Hátíðin hefst að vanda á föstudagskvöldið  23. mars  kl 20:30 með hinni rómuðu Heimsmeistarakeppni í Brús. Þar er keppt um hinn eftirsótta Gullkamb en einnig eru veitt verðlaun  fyrir svokallaðar “Klórningar”. Í hliðarsal fer fram kennsla og kynning á þessu gagnmerka spili ,Brús, sem Svarfdælingar hafa jafnan spilað af meiri ástríðu en aðrir, og þar verður slegið upp keppni fyrir byrjendur.

 Á laugardaginn 24. mars  kl  14:00  er dagskrá í Byggðasafninu Hvoli um Þýðingar Daníels Á Daníelssonar á ástarljóðum á frá miðöldum.  Dagskráin er í höndum Þórarins Hjartarsonar og Jóns Laxdal. Daníel Á Daníelsson var héraðslæknir á Dalvík um árabil en hann var einnig mikilvirkur ljóðaþýðandi og þýddi m.a. allar Sonnettur Shakespeares. Fyrirlestur Þórarins byggir einkum á  þýðingum Daníels á ástarljóðum arabískra skálda í Andalúsíu og ljóðum franskra trúbadora á 12. og 13. öld með skírskotun til íslenskrar ljóðagerðar. Jón Laxdal les nokkrar af þýðingum Daníels á þessum fornu perlum heimsbókmenntanna og Þórarinn syngur trúbadoraljóð.

Dagskrá hátíðarinnar endar svo á laugardagskvöldið kl 21:00 með því að Marsinn verður stiginn að Rimum við undirleik harmónikkuhljómsveitar. Að þessu sinni verður Þórir Baldursson sérstök gestastjarna hljómsveitarinnar.  Marsinn hefur í gegn um tíðina verið ómissandi þáttur í skemmtanahaldi í Svarfaðardal. Þar eru hafðir í frammi ýmsir dansleikir s.s. hnúturinn og klúturinn, píramídi, nafnakall, potturinn og pannan ketilinn og kannan og knéfall svo fátt eitt sé nefnt.
Nánar www.dagur.net