Nú er klukkan 10.38 ....spá !!!

og ég ætla svona í tilefni dagsins....föstudagsins   og til gamans að spá fyrir um dráttinn.

Chelsea - Liverpool
Man Utd - PSV
Roma - Ac Milan
B Munchen - Valencia

..og nú er bara að bíða spenntur dregið kl 11.oo

Hér svo drátturinn kominn beint frá Aþenu...

MIlan - B Munchen
PSV - Liverpool
Roma - Man United
Chelsea - Valencia

Spáin mín var öll vitlaus......

Steven Gerrard: Vill helst forðast ensku liðin

Stapilt og á uppleið.

Þessi skoðanakönnun sem birtist hjá Rúv og Mogganum í dag er svosem eins og hver önnur fyrir utan þetta með fylgi VG. Oft hafa flokkar rokið upp og niður í eitt og eitt skipti og stundum tvisvar í röð. En nú spyr maður sig hvort að fylgisaukning VG sé eitthvað sem koma skal, ég þekki ekki söguna alveg en þeirra fylgi er stapilt og jafnt og þétt uppá við.  Gaman væri ef að einhverjir spekúlantar sem þekkja söguna tjáðu sig um þetta. Það á mikið vatn eftir að renna til sjávar fram að 12. maí....þetta verður spennandi og ég hef það svo sterkt á tilfinningunni að þetta verður sögulegt kvöld.....og þá á ég bara eftir að finna út hvort sögulegheitin tengjast kosningunum, Júróvísion eða afmæli konunnar minnar...Af hverju þarf allt sem er skemmtilegt að hittast á sama dag ?

VG bætir enn við sig

Ert ekki að grínast ?!!

Ég rakst á þetta blogg HÉR í morgun ( Færslan sést HÉR líka) og var ekki viss um hvort að færsluritari væri að grínast eða ekki. Ég las þetta betur og sá að svo var ekki ...og síðan sannfærðist ég þegar ég sá frétt á visi.is, þetta snýst um forsíðu á auglýsingablaði Smáralindar. Sjá fréttina HÉR. Ég ætla ekki að hafa eftir það sem hún skrifaði en skora á ykkur að lesa bloggið . Ég vil óska Smáralindarmönnum til hamingju með athyglina og auglýsinguna. Þar sem að færsluritari var ekkert að grínast, þá er bara best að ég reyni það.....svona mál getur ekki verið grínlaust..eða hvað ?

 

 

 

 

 

 

 

 

Úbbs það gleymdist að blörra módelið.

 

 

 

 

 

 

 

 

 

Mister President...no animal sex.

 

 

 

 

 

 

 

 

 

Nei ekki þetta klám fyrir jólin góði minn !

 

 

 

 

 

 

 

 

 

 

 

 

 

 

 

 

 

Nýjasta kynlífsæðið í USA - Blak.

Kjúklingatertan mín.

                                                   Var að búa til flokk á blogginu fyrir mitt helsta áhugamál, mat og matargerð. Á slatta af uppskriftum sem ég hef búið til en því miður er maður aldrei nógu duglegur að skrifa niður það sem maður er að gera í eldhúsinu...kannski er bloggið vettvangurinn. Byrja á þessari kjúklingatertu sem gaman er að dunda við og frábært að bera fram fyrir góða gesti.

8  Skinnlausar vel hreinsaðar  kjúklingabringur
1 stórt bréf pepperoni, smátt skorið
1 krukka sólþurrkaðir tómatar, frekar smátt skorinn
Góður biti Havarti kryddostur, rifinn eða sneiddur1
krukka fetaostur, olíunni hellt í glas.
Ferskar kryddjurtir Basilikum og Timian. Timian saxað frekar smátt
Pipar, blandaður úr kvörn
6 hvítlauksgeirar.
3 - 4  tómatar
C.a 6 sveppir


 Kjúklingatertan er í fjórum hæðum með fyllingu á milli. Bringurnar hreinsaðar vel, lundirnar teknar til hliðar. Bringunar barðar með hamri , vel og vandlega og flattar út, hæfilega þunnar ( Svipað eins og að fletja út deig ).Síðan er tekið hringlaga form með lausri spennuhlið. Bringurnar eru lagðar í formið og settar vel út að kantinum,  2 bringur + lundir í hverri hæð, lundirnar notaðar til að fylla vel upp í eyðurnar. 

Á milli : í hverja hæð kemur fyrst KREM, handfylli pepperoni, handfylli sólþurrkaðir tómatar, handfylli fetaostur ( Aðeins kraminn ) krydd og havarti ostur. 

Krem: Hvítlauksgeirar, tómatar, sveppir, 6 - 8 basilikublöð og aðeins af fetaostsolíunni sett í mixer. Kremið má alls ekki vera of blautt ef svo er það bætum við Ritz kexi þar til að við erum ánægð og hægt er að smyrja því á milli hæða. ( Gott að skella lítill krukku af sveppa og ólífu tapenade í kremið ) 

Skraut ofan á: Havarti ostur, sólþurrkaðir tómata lengjur, 1 grein fersk timian.Tertan fer í ofn á 180 gráðu hita í ca 55 - 65 mínútur. Vökvanum hellt af, tertan tekin úr forminu , borin fram heil og diskurinn skreyttur eðs fallega sneiðar settar á disk. Vökvann má nota sem sósu eða sem grunn í sósu fyrir þá sem það vilja.

Konur: Til hamingju....

.....með daginn .Í dag 8. mars er alþjóðlegur baráttudagur kvenna. Það sem mér finnst athyglisvert við þessa skoðanakönnun Blaðsins er kannski helst hvað það eru margir óákveðnir og í fréttum rúv í morgun var sagt að konur væru þar í meirihluta. Ég er óákveðinn og skil vel þá sem eru það. Samkvæmt mörgum skoðanakönnunum kjósa konur frekar til vinstri, ég tel að þessi skoðanakönnun sé nokkuð frá úrslitunum sem verða í vor, það er helst að Frjálslyndi flokkurinn sé nálægt lagi. Er kannski stór hluti þeirra óákveðnu að bíða eftir að sjá hvernig nýtt framboð Ómars, Margrétar og félaga lítur út ? Oft er spurt þegar fátt er um svör ?

Kaka í tilefni dagsins.

Vinstri-grænir með 23,6% en Samfylking 18,5%

323.489 krónur.

Fangi strauk er leiða átti hann til tannlæknis. Er þetta ekki mjög skiljanlegt....það er ekki gaman eða gott að fara til tannlæknis.....ok sleppur stundum, en kannski átti fangaræfillinn ekki fyrir tímanum hjá tannlækninum. Hann sneri við í dyrunum, hann hefur sennilega heyrt klínikdömuna segja við kúnnann sem var á undan honum ...323. 489 krónur...og við það hljóp fanginn í burtu, hver hefði ekki gert það.

Fangi strauk frá tannlækninum

SS lækkar ekki.

Ég á barn í skóla þar sem skipt er við SS / Hollt í hádeginu skólamatur. Ég tók eftir því að reikningur fyrir mars hafði ekkert lækkað, því hringdi ég í SS í gær til að inna þá eftir lækkun vegna virðisaukaskattslækkunar 1. mars en fékk lítil svör...þetta væri í athugun, en líklegt væri að  reikningurinn myndi lækka um 3 - 4 % en sú sem varð til svara bað mig að hringja aftur í dag, sem ég og gerði. Svörin sem ég fékk í dag voru skýr:  SS mun ekki lækka matinn um eitt einasta %. Ég spurði um ástæður og einnig hvort að það kæmi bréf til foreldra til að tilkynna um þessa ákvörðun. Ástæðurnar væru þær að þessi þjónusta væri ekki virðisaukaskattskyld og í sambandi við bréfið þá yrðir foreldrum ekki tilkynnt þetta með slíkum hætti heldur kæmi frétt um þetta á vefinn, fréttin er að vísu ekki komin á vefinn svo að maður geti lesið sig betur til um þetta. Ég hafði samband við neytendastofu og þar var mér tilkynnt að þetta mál væri á borðinu hjá þeim því mín fyrirspurn væri ekki sú eina, hún sagði að þetta væri löglegt en siðlaust. Oft er spurt þegar fátt er um svör ? Ég bíð spenntur eftir því að heyra rökin fyrir þessu....ég get ekki séð þau eins og er.

Fæðisgjald í leikskólum Reykjavíkur lækkað um 5%

Kannski er ég Ísmaðurinn

Í fyrradag var ég að rifa upp með félögum mínum þá daga þegar ég skokkaði eins og vitleysingur um holt og hæðir á nánast hverjum degi í sama hvaða veðri sem var og alltaf berlæraður í hjólabuxum, háskólapeysu,með húfu og Scooter á botni í mp3 spilaranum. Eitt skiptið í norðan hríð mætti ég svo Palla Matt vini mínum á Rjúpanveiðum í Böggvisstaðafjalli algölluðum, með lambhúshettu,byssu á bakinu og enga rjúpu. Palli missti andlitið yfir þessum undarlega klædda en léttgeggja vini sínum í hríðinni. Kannski að ég setji mér nýtt markmið að skokka á sundskýlunni einni saman uppá topp Böggvistaðafjalls á næsta Nýarsdag.......datt þetta bara svona í hug er ég sá þessa frétt um Hollenska ofurhugann Venna frá Hofi.

Ísmaður ætlar á Everest á stuttbuxunum

Hleyptu henni inn.

Var að laga til í tölvunni minni og rakst á þessi c.a 5 ára skrif mín um gleðina.

Gleðin

 Hjá öllum hún leynist
og mikils virði er.
Það þarf að rækta hana,
ekki loka hana inni.
Hún er ekki ókeypis

en kostar ekki peninga,

hún er öllum nauðsynleg.
Kafaðu á hverjum degi inn til hennar
og hafðu hana með þér hvert sem þú ferð,

hún bætir allt,

og getur allt.
Þú verður að trúa á hana,
þú verður að trúa því að hún sé hjá þér,hún er innra með þér.
Það ert þú sem stjórnar henni,
ekki láta aðra gera það,
ekki láta aðra skemma hana fyrir þér.

Hjálpaðu öðrum að finna hana,

gefum öðrum af okkar gleði,

þá eigum við nóg handa öllum........
öllum…

Hún vex þegar þú gefur af henni,

hafðu gleðina sem lífsförunaut þinn
þá verður lífið bjartara og innilegra.
JJ. 

Rugl í Ritu

Mynd. www.nave.is

Í frétt hjá Nátturufræðistofnun er talað um að fyrstu Riturnar sé komnar til landsins, 9 stk sáust á Bolungarvík um helgina. Þetta hlýtur að teljast óvenju snemmt, hvort að þetta boðar að það vori snemma er ekki gott að segja til um. En mín skoðun er sú að veðurbreytingar almennt og kannski sérstakt veðurlag á ýmsum stöðum í heiminum hafi ruglað þessar Ritur í kollinum.  Að mínu mati eigum við eftir að fá allavegana 2 hressilega vetrarhríðarbylsskelli og það gæti orðið erfitt fyrir Riturnar fyrir vestan. En samt er nú alltaf gaman að heyra eða lesa fréttir af fyrstu fuglunum á vorin.