Tilraun í dag....

Loksins kom almennileg norðan stórhríð með snjókomu. Það er eitthvað rómantíkst við þetta veður. Skaflinn fyrir utan norðurgluggana hjá okkur er orðinn ansi hár eftir nóttina. Það er snjór á næstum öllum gluggum í húsinu. Kertaljósið verður fallegra og hlýrra fyriri vikið. Hríðin og norðan áttin er þétt og spilar á gluggana og bílskúrshurðin spilar með. Ég veit ekki hvað það er en ég elska svona veður.

Það stendur þannig á í dag að ég er heima með veikt barn. En maður getur alltaf unnið í tölvunni....en inná milli ætla ég  samt að leyfa mér að gera tilraun á blogginu mínu í dag fram til kl 19.00. Ég ætla að blogga við allar nýjar fréttir sem birtast á mbl.is hér eftir í dag og meira til ef að fréttirnar eru fáar. ....flest dettur manni nú í hug í norðanstórhríðinni. 

Vonskuveður um mestallt land

Skiljanlegt.

Það þarf enginn að vera hissa á þessum fréttum af velgengni og góðri sölu á disknum hans Páls Óskars. Hann er bara langflottastur og er eins og hann er og það er það sem virkar.

Stórstirnin eiga ekkert í Pál Óskar

Þetta líkar mér......

Ef að konur væri í meirihluta í stjórnum - Væri heimurinn betri.

Konur bjóðast til að setjast í stjórnir fyrirtækja

Ég sagði það...

 En mér hefur alltaf fundist þessi náungi Dr. Phil verið hálf krípí og ekki alltaf treyst öllu því sem  hann hefur að segja, eða við getum kannski orðað það að þarna sé ferðinni úlfur í sauðagæru. Ég hef kannski ekki horft á marga þætti með honum, en nógu marga til þess að hafa þetta á tilfinningunni. Þess vegna er ágætt að sjá þessa frétt og vita að hugsanlega er eitthvað að marka þessa tilfinningu mína um hann. Ég hef stundum sagt að augun hans segi ekki satt.
Hann hefur eflaust gert margt gott og batnandi mönnum er best að lifa.......ef satt er.

Dr. Phil sagður eiga sér vafasama fortíð

Ef það er ekki gert grín af fólki í opinberum stöðum......

....er sennilega ekki mikið varið í það...eða hvað ? Og ef að þetta er rétt hjá mér þá hlýtur Ólafur að vera maðurinn í borgarstjóradjobbið.

Nokkrir punktar um Svívirðilegaveikindagrínhúmorleysisháttinn hjá mörgum.

Erlendur Eiríksson stóð sig snilldarvel í umræddum Spaugstofuþætti. Spaugstofuþættirnir eru unnir hratt, Erlendur kemur þarna inn sem gestaleikari og rúllar verkefninu sem var lagt fyrir hann upp. Snillingur þar á ferð.

Ég tók þessu aldrei þannig að það væri verið að gera grín af Ólafi persónulega. Mér fannst þetta svo augljóst að það var verið að gera grín af stórskrýtinni atburðarás og umfjöllun í s.l viku.

Er það ekki bara hið besta mál að hafa kröftuga og þorandi menn líkt og Spaugstofumenn sem t.d geta tekið Sirkus liðinna daga og sett hann í grínform. Það er ljóst að það er aldrei hægt að gera öllum til hæfis. Sumir töluðu um að það hefðu kannski verið óþarflega margar hnífstungur.....en ef þeir eru að vinna með umfjöllun síðustu daga, þá var nú ansi mikið rætt um hnífstungur á hverjum degi.

Ef að Ólafur á að vera sár, hvað má þá Björn Ingi segja....eða Vilhjálmur Þ.

Að mínu mati eru mistökin í þessu öllu saman að ræða ekki veikindi Ólafs sem allir geta lent í strax í upphafi.  Með því að tala undir rós og segja ekki frá staðreyndum, voru veikindin gerð að áhugaverðu máli sem allir vildu vita um. Í slíkum tilfellum fara sögur af stað sem eru ekki allar sannar og gera málin flóknari og umfjöllunin verður enn meiri fyrir vikið.

Veikindi Ólafs voru alvarleg en að mínu mati eiga þau eiga ekki að vera leyndarmál. Hann hefur náð sér og það er fyrir mestu. Geðræn eða andleg vandamál eru veikindi eins og hver önnur, þau eru ekki til að skammast sín fyrir.

Góðar stundir og munum að vera góð við hvert annað.....en ekki hætta að grínast.

Ekki yfir strikið

Kemur ekki á óvart.

Þetta hlýtur að hafa verið skemmtileg árshátíð hjá Icelandair með þessa frábæru veislustjóra. Þau hjón Eva María og Skari Skrípó saman í liði sem veislustjórar hljómar mjög vel.....hebbði viljað sjá það og eins að sjá Jónsa svífa út úr skápnum í kjól. Mér finnst bara mjög eðlilegt að menn komi út úr skápum, þeir eru svö þröngir, loftlausir og dimmir þannig að það kemur ekki á óvart frekar en fyrirsögn þessarar fréttar  

Jónsi kom út úr skápnum

...og kúlur fyrir afganginn

 

Þegar ég var lítill var ég víst duglegur að heimsækja fyrirtæki og betla vinnu eða bara að spjalla ( Stanslaust) við viðstadda.  Þegar ég var 6 - 8 ára datt ég í lukkupottinn og fékk vinnu ofan í skurði með skóflu. Áður en ég byrjaði spurði ég hvenær kaffitíminn væri. Eftir að ég hafði verið þarna ofan í skurðinum dálitla stund fór ég spurði verkstjórann hvenær væri útborgað.....hann hefur sennilega verið orðinn þreyttur á mér og séð þarna leið til að losna við mig. Hann rétti mér 50 krónu pening og sagði mér að þetta væri orðið gott ég þyrfti ekki að vinna meira.....ég ljómaði með peninginn og fór beint upp í sjoppu. Sjoppann hét Hóllinn og þau Stína og Sigtýr ráku hana. Þegar ég kom með 50 krónurnar var Stína að vinna og klukkan alveg að verða 12. Það var alltaf lokað í hádeginu. Pylsa með öllu og gos ( Morgan ) kostaði þá 55 kr. Ég skellti peningnum á borðið og sagðist ætla að fá tvær pylsur með öllu, eina Morgan, einn staur og eitt Conga, einn grænan frostpinna,  slatta af haltu kjafti karamellum og kúlur fyrir afganginn. Eðlilega samþykkti Stína í sjoppunni þetta ekki, en úr varð að ég fékk tvær gos, staur og krembrauð og eitthvað smálegt í poka. Þar sem að það var komið að hádegislokun og ég hafði bara fengið innihaldið af gosinu og einnig þurfti ég að drífa mig heim í hádegismat, rak  Stína á eftir mér í sífellu....ég skóflaði þessu öllu í mig og fór svo bakvið sjoppuna og gubbaði margsinnis.....ég lá svo í rúminu til næsta morguns.

 

Gömul frétt, var búin að blogga um þetta.

iSSSS...MOGGINN MEÐ GAMLA FRÉTT
Sunnudaginn 20. janúar bloggaði ég um að Luxor væri að hætta...sjá HÉR

Lifðu lengur en síðasti meirihluti

Björn Ingi tekur við

Kæri vinur.

Þú ert alltaf að biðja mig að senda þér línu um það helsta sem er að gerast á klakanum þessa dagana. Því miður ég ekki svo langa línu. En Ég ætla samt að minnast á það allra allra helsta. Það er frekar rólegt í pólitíkinni.............á Raufarhöfn. Alfreð Gíslason er hættur sem landsliðsþjálfari í handbolta. Gróusögur segja að hnn sé að fara taka við Borgarstjórastólnum í Reykjavík, Ólafur F sem er það núna verður læknir handboltalandsliðsins. En á meðan að Alfreð er á leiðinni heim þá mun Gísli Marteinn gegna borgarstjóraembættinu til morguns. En ef að flugi seinkar þá kemur Vilhjálmur Þ og leisir Gísla Martein af....það var sko samkomulag að Gísli væri ekki nema tvo daga. Líklegt er að Björn Ingi Hrafnsson taki við Landsliðinu af Alfreð.....en þá a eftir að sema um fata og búningastyrki. Heyrst hefur að Hanna Birna verði aðstoðarþjálfari, hún getur lesið stórum hópi fólks pistilinn....án þess að roðna. Það verður ekki búist við mótmælum fyrir utan HSÍ vegna ráðningar Björns Inga...hvorki skipulögðum eða óskipulögðum, hver munurinn á því er er ekki gott að segja.. Man ekki meira í bili.....en jú annars hann Ástþór Magnússon sem enginn hefur enn beðið um læknisvottorð ( Kannski gefa dýralæknar ekki út vottorð)...birtist með 40 milljónir og tvo Íranska lífverði og var að reyna að kaupa Háskólabío....það mætti enginn til að tala við hann því að ALLIR voru í Ráðhúsinu að fagna próflokum...eða einhverju...ég man þetta ekki alveg...hlutirnir gerast svo hratt.

EM: Alfreð er hættur

Hvern þá ?

Ég var að horfa á á beinu útsendinguan frá fundinum og mótmælunum í Ráðhúsi Reykjavíkur áðan.

Átta ára sonur min kemur inn.

Sonur: "Afhverju er fólkið að hrópa og svona "

Ég " Þau eru að mótmæla ..vilja t.d ekki þennan borgarstjóra sem er að taka við"

Sonur: er það þessi ( Í mynd var einhver ónafngreindur mótmælandi)

Ég: Nei ekki þessi

Sonur: Hvern vilja þau  þá...

Ég: " Þennan sem var á undan....eða ...hérna...þetta er dálítið flókið"

Nú kemur mynd af Vilhjálmi Þ Vilhjálmssyni á skjáinn

Sonur: "Var þessi borgarstjóri?"

Ég:" já einu sinni...en ekki síðast.

Sonur: Ætlar hann að verða Borgarstjóri ?"

Ég: Já ..en ekki núna, sko seinna ...þetta er dálitið flókið...sko"

Sonur: "Var fólkið að mótmæla honum"

Ég: Ekki beint, en samt líka, það er sko annar sem verður Borgarstjóri í dag.

Sonur: Og vill fólkið ekki fá hann....hvern þá?"

Ég: Sko þennan sem var áður en þessi kom, en samt ekki þennan sem var verið að tala við (Villi) í sjónvarpinu...sem var einu sinni Borgarstjóri.
( Sem ætlar svo að verða Borgarstjóri)

Oft er spurt þegar fátt er um svör.

Mótmælendur yfirgefa Ráðhúsið