Er ekki betra......

Í umræðunni um atburðina í pólitíkinni undanfarið hef ég tekið eftir því hvað mikið er hamrað á að fráfarandi meirihluti hafi ekki verið tilbúinn með málefnasamning. Nýji meirihlutinn er mjög stoltur af þessu litla plaggi sem þeir hræktu saman á stuttum tíma. Ég spyr einfaldlega er ekki betra að að gefa sér örlítinn tíma til þess að fara yfir málin og gera góðan og ígrundaðan málefnasamning ? Oft er spurt þegar fátt er um svör.
P.s  Það er ótrúlegt að sjá ráðherra og þingmenn Sjálfstæðisflokksins koma fram í fjölmiðlum og dásama Sirkusinn sem okkur var boðið uppá að kvöldi mánudagsins 21. janúar.

Útilokar ekki samstarf við Frjálslynda

Ljós í myrkrinu

Ég held að ég verði að halda áfram að blogga um pólitík. Mér finnst að þær stöllur Margrét og Guðrún sýni bæði hugrekki og heiðarleika með því að taka ekki þátt í þessari valdavitleysu. Gleymum því að þær voru ekki spurðar og ekki hafðar með í ráðum.

Margrét og Guðrún með gamla meirihlutanum

Það er gott að vera uppalandi í þessu umhverfi.

Ég er nú ekki vanur að blogga mikið um pólítík af því að yfirleitt tengist það einhverju neikvæðu og ég er ekki mikið fyrir neikvæða hluti.....en nú stendur mælirinn ansi ofarlega. Ég hef verið hugsi undanfarið yfir því hvaða skilaboð pólítíkusar sem að við höfum kosið hafa verið að senda landsmönnum á öllum aldri. Má allt ? þarf ekki að segja satt ? er inn núna að vera siðlaus ? Sirkusatriðið sem okkur var boðið uppá í gær kemur ekki til með að bæta ímynd stjórnkerfisins og stjórnmálamanna almennt. Eru menn hissa á því að íbúar landisns á öllum aldri brjóti af sér, ljúgi og svíki ? Oft er spurt þegar fátt er um svör.

P.s Þó að ég taki gjörninginn í gær sem dæmi, þá á mín skoðun einnig við um aðra gjörninga í íslenskri pólitík þar sem að menn svífast einskis t.d í ráðningum og þurfa varla að svara fyrir það, treysta því að tíminn vinni með þeim og að við gleymum þessu bara.
Það er gott að vera uppalandi í þessu umhverfi.

„Nýr meirihluti óstarfhæfur"

Skylmingajakkaföt Björns Inga.

Hér má sjá nýju skylmingajakkafötin sem þola hnífsstungur og sérstaklega ef um heil hnífasett er að ræða. Mér skilst að það sé þarna í nýju Skylmingamiðstöðinni sem að Björn Ingi æfir bakstungur, hælkróka og fleiri brögð sem hann er sagður nota. Björgólfur verst vel og passar sig að snúa ekki bakinu að Birni. En spurning dagsins er hver borgaði fyrir þessi föt sem þessir kappar eru í ?  Oft er spurt þegar fátt er um svör.

P.s Myndina fékk að láni af mbl.is

Ómakleg framganga

Hættir í Luxor ?

Ég hef fyrir því nokkuð áreiðanlegar heimildir að einn ef ekki tveir söngvarar sé hættir í Luxor bandinu hans Einars Bárðar.Hefur þetta birst einhversstaðar ? ég hef ekki séð það. Sjáum til ...kannski er þetta skúbb ???????. Oft er spurt þegar fátt er um svör

Kunnuglegt !

Fékk þetta sent í morgun...það er svo margt ansi kunnuglegt þarna

Kæru vinir!

Nú þegar árið 2007 hefur runnið sitt skeið, langar mig að nýta tækifærið og þakka fyrir alla tölvupóstsendingarnar sem ég hef fengið frá ykkur. Ég verð að segja að lífsgæði mín hafa aukist til muna við sendingarnar. 
Í dag á ég  ekkert sparifé, þar sem ég hef sent það allt til litlu veiku stúlkunnar (Penny Brown) sem er akkúrat núna í andaslitrunum á sjúkrahúsinu í 1.387.258 skiptið.
Ég á í rauninni enga peninga lengur… en það mun náttúrulega breytast um leið og ég fæ 500.000 $ sem Microsoft ætlar að senda mér fyrir að hafa verið “exclusivur” þáttakandi í e-mail prógramminu þeirra. Ég á líka von á aur frá miðaldra getulausum bankastarfsmanni frá Nígeríu sem hefur lofað að deilda 7 milljónum $ með mér. Aur sem hann erfði eftir að gleymdur ættingi hans lést í skelfilegu umferðarslysi í höfuðborginni Abuja. Yndislegur maður hann Ade Oluwa… alveg sérstök sál. Sem betur fer þarf ég ekki að óttast um sál mina, þar sem ég er blessaður með 363.214 englum sem passa mig og vakta sérhvert spor mitt og St. Helena hefur líka boðist til að uppfylla allar mínar óskir. Takk fyrir að sýna mér og kenna að óskir mínar muni aldrei verða uppfylltar nema ég áframsendi tölvupóstana mina til amk 7 einstaklinga á innan við 5 mínútum. 
Ég set aldrei lengur bensín á bílinn hjá Esso án þess að vera vakandi fyrir því að pólskur fjöldamorðingi sem komist hefur ólöglega inn í landið, gæti mögulega hafa laumað sér á í aftursætið meðan ég fylli tankinn.Ég svara ekki lengur neinum sms-um, þar sem það kostar mig 25.000 kr. Að svara ákveðnum númerum. Ef þú sendir ekki þennan tölvupóst til amk 144.000 einstaklinga á næstu 70 mínútum, þá mun risavaxin dúfa með svæsin niðurgang lenda á höfðinu á þér kl 17 nú í dag og flær úr 12 mongólskum kameldýrum munu skríða inn í bakið á þér og orsaka að rassinn á þér verður allur kafloðinn.

Og svo langar mig bara líka að deila því með ykkur að Suðuramerískur vísindastúdent sem ég þekki hefur eftir langar og strangar rannsóknir uppgötvað að aðeins einstaklingar með lága greindarvísitölu, sem stunda lítið kynlíf eru manneskjurnar sem alltaf lesa alla tölvupósta með höndina á músinni.

Lifið svo innilega heil.

Þetta skiptir engu máli í kvöld.....

Hættum að velta okkur uppúr úr gömlum grýlum og fyrri leikjum á móti svíum. Í kvöld er nýr leikur og nýtt upphaf. Hugsum jákvætt og ég er sannfærður að við vinnum leikinn...það er bara á hreinu. Áfram Ísland.........áfram Ísland

Svíar hafa verið Íslendingum erfiðir

....það er Geir...svo veit ég ekki meir.

Fréttir af landanum II

Kæri vinur.

Það hefur nú ekki mikið hlýnað hér frá því að ég skrifaði þér síðast rétt eftir áramótin. Mér skilst að það standi til að stofna skíðafélög á Selfossi, Grindavík og í Vestmannaeyjum. Þeir sjá ekki fram á að snjóa leysi fyrr en um verslunarmannahelgi og spurningin er hvort að þjóðhátíðin í Eyjum verði ekki bara brettahátíð og Árni Johnssen komi til með að syngja " Á skíðum skemmti ég mér trallllalala." Grindvíkingar hafa ekki séð svona mikið af hvítu efni síðan að Kalli Bjarni kom með gáminn um árið frá útlöndum. Af henni Björk okkar er það að frétta, að hún er að hugsa um að skella sér í nám og hafa það tvískipt annarvegar ljósmyndun og hinsvegar fatahönnun, sérfræðingar segja að hún hafi þetta jafnaðargeð sem þarf í þessi fög....en þar sem þú ert nú erlendis minn kæri vin þá hefur þú nú kannski heyrt þetta eða séð.
Nú er handboltinn að byrja...það er sko EM 2008 í  Noregi og við byrjum á að taka á sænsku Leppalúðunum , þú manst að við drápum svíagrýluna hérna um árið og eftir standa einhverjir lúðar sem verða léttir fyrir okkar kanónur. Árni Matt fjármálaráðherra er víst farinn að leita sér að vinnu annarstaðar segir slúðrið. Hann er dýralæknir að mennt. Talið er líklegt að fái vinnu hjá meindýravörnum Suðurlands. Það er víst mikill músafaraldur þar um þessar mundir, enda segja snjóalögin allt sem þarf um það. En hann á ekki upp á pallborðið hjá þjóðinni um þessar mundir...æji hann var með einhvern vinargreiða og það fór einhvern veginn öfugt ofan í liðið. Ég hef ekki kynnt mér málið enda  hef ekki aðgang að gögnunum, en mér skilst á allrahandanna sjálfskipuðum fræðingum að hann hafi gert langt uppá bak. Maður getur ekki annað en vorkennt honum, það eru allir á móti honum nema tveir...það er Geir og svo veit ég ekki meir.
Það er bévítans dólgur í liðinu þessa dagana, ryðst inn í hús með axir og brýtur og bramlar, ræðst á löggur og ég veit ekki hvað og hvað. En góðvinur minn hjá lögreglunni sagði mér að það væri verið að virkja þessa aumingja í annað og beðið er eftir leyfum frá borgarstjórn og húsfriðunarnefnd að þeir megi ráðast í niðurrif á nokkrum húsum á Laugaveginum. Talið er líklegt að þeir rífi þau hvort sem þeir fái leyfi eða ekki enda taldi lögreglan það vera árangursríkara og meiri útrás fyrir þá ef þetta væri bannað. Af fótboltanum er það að frétta að Ísland fór upp úm 3 sæti hjá Fifa og náði þar með inná listann, það er aðeins eitt land fyrir neðan okkur á listanum, Hogumugu sem eru frumbyggjar úr svörtustu Afríku, þeir hafa sérstaklega verið þekktir í knattspyrnuheiminum fyrir að ná ekki í lið.

En gott í bili af klakanum....habbðu það gott í útlandinu.

Ósammála ráðherra um mat á umsækjendum

Hef fyrir því áreiðanlegar heimildir.

Fjörið hefst á morgun. Það er alltaf gaman þegar stórmót í handbolta er á þessum árstíma. Allir landsmenn (Nánast) standa saman á bakvið landsliðið, strákana okkar. Við hlæjum, grátum, mölvum stofuborð, bölvum lítið eitt en umfram allt fáum útrás og hrópum af gleði. En nú skiptir öllu að vera jákvæður og senda góða strauma sama á hverju gengur. Þetta mun byrja vel á morgun, ég hef fyrir því nokkuð áreiðanlegar heimildir að við vinnum Svíana, töpum fyrir Slóvakíu og vinnum síðan Frakkana....góð byrjun

Tökum einn leik í einu

Ástkær Þórunn.

Kæra Þórunn ég tjái mér ást þína. Þinn Þór -  Ástþór kærir sig kollótann um Þórunni - Ástkær Þórunn kveðja Þór - Ástþór kærir Þórunni........þetta er nú meira bullið allt saman.

Ástþór kærir Þórunni