Þetta er orðið gott.

Er þetta enn einn aðilinn sem fjölmiðlar og beittir bloggskrifarar ætla að leggja í einelti.  ? Nú er nóg komið. Það hlýtur að vera eitthvað annað sem þarf að fjalla um. Ef að þessi atburður "ummæli Friðriks Ómars sem að ég býst við að þeir taki til sín sem eiga" er ástæða til skrifa í fjölmiðlum dag eftir dag þá er eitthvað ekki í lagi. Verum jákvæð og gefum fólki sanngjarnt rými til að vera til. Ég er þess sannfærður að Friðrik Ómar og Regína verða okkur til mikils sóma í vor. Áfram Ísland....áfram Friðrik Ómar.

Mikil umræða um ummæli Friðriks Ómars

Ísland verður með 24.maí

Til hamingju Ísland....til hamingju jafnt þeir sem elska og hata þessa keppni. Hvað ættu þeir sem (þykjast) hata þessa keppni að tala um ef engin væri júróvísion keppnin. Fyrir þá sem elska keppnina er mikið fjör framundan. Ég segi það hér og nú með stórum stöfum að við komumst ÁFRAM úr undankeppninni þann 22. maí....ég bara veit það. Ég er líka búin að vita það að Friðrik Ómar sem er frábær listamaður færi einhvern tímann fyrir Íslands hönd og keppti fyrir okkar hönd....þetta er algjör snilld.

Friðrik Ómar og Regína voru frábær í gær og úrslitakvöldið var glæsilegt í alla staði hjá Rúv. Ég var mjög skotinn í Dr. Spock laginu, en fannst einhvern veginn ekki að við ættum inni fyrir því að senda það núna. Þeir voru flottir og innilegir í því sem þeir voru að gera og þriðja sætið viss sigur fyrir þá sem stóðu að þessu lagi.

Barði og félagar liðu fyrir hvað DR Spock stóð sig vel, auglýsingarnar flennistóru skemmdu fyrir, og yfirlýsingar  þekktra manna. Eins tel ég að margir hafi séð í gegnum þetta með bakraddirnar sem voru reknar, að það hafi verið sett á svið til þess að fá meiri umfjöllun. Mér leist vel á þetta lag fyrst en það entist kannski ekki vel....alls ekki slæmt og setti spennu og skemmtilegan svip á þetta allt saman.

Ef að þetta hefði ekki veriðö Júrósvision keppni hefði Ragnheiður Gröndal fengið öll mín atkvæði. Lagið hans Guiðmundar Jónssonar sem að Páll Rósinkrans flutti var ágætt líka...en önnur náðu ekki hæðum.

Það að Friðrik Ómar hafi svarað fyrir sig var í raun kannski eðlilegt, Þó að það sé oft betra að svara ekki skætingi eða leiðindaskotum frá öðrum.  Áfram Friðrik og Regína...Áfram Ísland

Erfiður, annasamur, skemmtilegur og árangursríkur dagur

Varð nú að henda einhverju á bloggprent. Það er búið að vera mikið að gera í dag...undirbúningur fyrir tvo fyrirlestra, kennslustundir, fundir og fleira. Er að fara á Háskólann á Hólum, Grunnskólann á Hofsósi, Akureyri, Reykjavík á fundi, fyrirlestra, sýningu og fl. Heljarmikið um að vera í þessari viku...og þeirri næstu. Var að auki spyrill í spurninga keppni á unglingastigi í Dalvíkurskóla í morgun. En annars fór hluti af deginum mikið fram í síma og megnið af þeim símtölum varð þess valdandi að heilinn í mér fór í nokkra hringi...eins og hann hefur gert annað slagið s.l 2 vikur vegna fjölda áskorana og mikillar og góðar hvatningar um að ég sæki um starf. Þessi hvatning hefur komið mér þægilega á óvart. En annars er lífið bara gott og yndislegt...ef við horfum framhjá því sem er ekki yndislegt...sem er svo lítið að það ætti ekki að minnast á það.

Verið ljúf og góð...lífið er stutt...en samt svo langt.

Til lukku allir fallega hugsandi og kærleiksríku elskendur...og aðrir.

Valentínusardagurinn er í dag.
Til lukku allir fallega hugsandi og kærleiksríku elskendur...og aðrir. Það er alveg merkilegt hvað margir tuða um að þetta sé ammerísk hefð. Þeir sem vilja ekki hafa daga sem ýta undir ástina og ýta undir að við séum góð við hvert annað ættu bara að gera eitthvað annað. Það er frábært að fá svona daga, það skiptir ekki máli hvaðan gott kemur. Legg til að allir komi elskunni sinni á óvart með einhverjum hætti í dag.
Dæmi:
Senda elskunni alvöruástarbréf í vinnuna, ekki email. Senda eða koma færandi í vinnuna eða skólann með stóran rósavönd. Taka sér frí í vinnunni, fá frí fyrir elskuna án þess að hún viti....fara með hana á kaffihús...eða vera búin að elda heima og koma henni á óvart þar....eða fara með elskuna heim og horfa á rómantískar myndir á náttfötunum í allan dag....klæða sig síðan upp og fara út að borða í kvöld.....senda elskunni sms og bjóða henni í bústað um helgina. Skrifa ljóð (Allir geta skrifað ljóð)og sendi elskunni á litlu korti með einni rós. Fara saman í dekur, nudd og potta. En umfram allt skulum við vera dugleg að knúsast og það þarf svosem ekki að gera neitt mikið meira en að vera saman og vera góð.

Syngja ástarjátningar til kvenna

....og ef ekkert verður aðhafst verður ekki aftur snúið.

Framlag Bubba Morthens og hans umboðsmanns er afar merkilegt, þarft og eftirtektarvert.
Þessi þróun sem hefur átt sér stað að undanförnu m.a með stofnun félags/samtaka sem heita Ísland fyrir Íslendinga og nú síðast vefsíða þar sem að 14 ára einstaklingar safna undirskriftum gegn Pólverjum. Þetta er alveg makalaus þróun og stórhættuleg. Það er alveg ljóst í mínum huga að það þarf að taka á þessum málum. Fyrst þarf að byrja heima við eldhúsborðið, þar þurfa foreldrar að huga að því hvað þeir segja og hvernig þeir ræða þessi mál við börnin og unglingana.
Í öllum hópum hvort sem það eru Íslendingar, Japanir eða Pólverjar svo að einhverjir séu nefndir eru svartir sauðir. Ég þekki nokkra pólverja þar sem að ég bý og þeir eru upp til hópa aldeilis stórgott fólk. Hér eru Pólverjar sem eru komnir til að vinna um stundarsakir og einnig fjölskyldur sem hafa keypt sér húsnæði og ætla að setjast hér að. Það er hrikalegt fyrir þetta fólk að heyra um þessar hörmungar, undirskriftir, óþverraskrif og fleiri fréttir af því hvernig hópar Íslendinga talar um íbúa landsins sem eru af erlendi bergi brotnir. Ég þekki mjög marga Íslendinga t.d í Danmörku, hvað þætti okkur ef að þeir væru lagðir í einelti þar sem þeir byggju. Ætlar þetta unga fólk sem hefur ritað nöfn sín á þessa vefsíðu ætli aldrei að fara til útlanda, kannski í nám eða til þess að búa til framtíðar, jafnvel með erlendan maka. Hvernig vilja þeir að það verði tekið á móti þeim í því landi sem þeir ákveða að dvelja í til lengri eða skemmri tíma ?

Ég er mjög hissa á foreldrum þessa unga fólks sem setur upp svona vefsíðu í hugsunarleysi. Múgæsingin verður til þess að einhver hundruð skrifa undir eitthvað sem þau hafa ekki þekkingu á. Þetta er stóralvarlegt mál ekki bara fyrir þau, heldur okkur öll sem á þessu landi búum.  Ég skora á ráðamenn þjóðarinnar að grípa í taumana nú þegar. Það þarf að auka fræðslu um rasisma og hefjast handa við það strax, .....foreldrar geta tekið af skarið heima. Það er ekki hægt að bíða með þetta mál því það verður alvarlegra með hverjum deginum sem líður og ef ekkert verður aðhafst verður ekki aftur snúið.

Ég segi það enn og aftur...frábært framtak hjá Bubba.

Forsætisráðherra ætlar að taka lagið

Vilhjálmur Þ til Kanada

Ég man ekki hvort að mig dreymdi það eða einhver sagði mér það fyrir nokkrum dögum að Vilhjálmur Þ færi til Kanada sem sendiherra. Nú sé ég þessa frétt þar sem er verið að segja frá því Markús Örn sem hefur verið sendiherra í Kanada er að koma heim til að verða forstöðumaður í Þjóðmenningarhúsinu. ....er Vilhjámur Þ þá  ekki að fara til Kanada....spyr sá er ekki veit. ?

Markús Örn skipaður forstöðumaður Þjóðmenningarhúss

Kraftur samkenndarinnar

Þetta er aldeilis frábærar fréttir. Til hamingju Guðmundur Geir og Inga. Þetta dæmi sannar fyrir okkur að það er allt hægt með kjarki, kærleika og mikilli samkennd. Það var magnað að fylgjast með hve margir lögðu sitt af mörkum með mismunandi hætti til þess að hjálpa til við endurbyggingu að Stærra Árskógi. Fyrst og fremst finnst mér kjarkur þeirra í Stærra Árskógi eftirtektarverður sérstaklega á þessum dögum þar sem að fjölmiðlar og peningastofnanir reyna að draga kjarkinn úr landanum vegna bágrar stöðu í peningamálum.

Mjólkað á ný á Stærri-Árskógi

Passið ykkur á veðrinu og.....

...veriði bara heima að kúra.... og veriði góð hvert við annað um helgina.

Fólk hvatt til að hreinsa vel frá niðurföllum

Minkur - Lax - Bjór

Það er alveg merkilegt með það ef að einhverjum gengur vel með eitthvað þá eru allir komnir á stað og á endanum liggja allir í valnum. Dæmi sem maður man eftir, er Minka og laxeldi og nú stefnir í svipað með minibruggerí. Kaldi á Árskógsströnd hefur gengið mjög vel og verið mikið í umræðunni enda frábær vara. Nú skilst mér að það sé búið að gefa út ein 8 leyfi fyrir slíkum ölgerðum....er þetta ekki týpískt.

Í reynslusölu í Reykjavík: Sunnlenski bjórinn ekki til á Suðurlandi

Burt með reykinn...eitt prik til Guðlaugs

Guðlaugur fær eitt prik fyrir þessi ummæli sín í morgun, hann fær annað prik ef að þetta mun hafa´tilætlaðan árangur. Það er með olíkindum að þetta reykherbergi sé á Alþingi eftir 1. júni 2007...skamm fyrir það. Auðvitað ættu allir þingmenn sem reykja að sýna góða fyrirmynd og hætta að reykja. Mér er alveg sama hvort að einhverjum finnist það brot á mannréttindum að banna reykingar.....þetta ætti í raun að vera þannig að enginn ætti að eiga möguleika á að starfa á alþingi nema að vera reyklaus. Það þekkist úr ýmsum störfum að aðeins eru ráðnir þeir sem reykja ekki.

Vill láta loka reykherbergi á Alþingi