Prik fimmtudagsins

Ég vil þakka fyrir góð viðbrögð við þessum prikaskrifum og hugmyndinni og hvet alla til að halda áfram að skrifa jákvætt. Ein kona sem ég hitti á Akureyri í gær sagði við við mig "váá þetta er svo erfitt, það er miklu auðvledara að tuða eitthvað" Það er kannski erfitt fyrst, en málið er að það er svo margt neikvætt í kring um okkur að það er auðveldara að sjá það. Ég sagði henni að þetta væri æfing. Æfingin skapar meistarann.

Prik fimmtudagsins fá:

Allir þeir sem bera virðingu fyrir lífinu, náunganum og umhverfinu. Þeir sem gefast ekki upp andspænis vaxandi mengun og umhverfisspjöllum heldur leita leiða til að vernda og hlúa að því sem lifir, andar og grær. Gefum liljum vallarins og fuglum himinsins gaum.

....Helgi Vilhjámsson í Góu sem hefur í langan tíma barist fyrir málefnum lífeyrisþega...og aldrei gefist upp.

Í lokin í dag fá hjúkrunarfræðingar og aðrir þeir sem standa fyrir göngunni "Gengið gegn slysum" Afar merkilegt og virkilega þarft framtak.

Njótið dagsins og gefið nú knús í dag.

Athugasemdir

[Jónína Dúadóttir, 8.5.2008 kl. 09:29]

Get ekki verið sammála þessari góðu konu, það er miklu auðveldara og lætur okkur jafnframt líða miklu betur, að vera jákvæð ! Að gefa bros er gott, að fá bros á móti er frábært !

Gangi þér vel í dag

[Ragnhildur Jónsdóttir, 8.5.2008 kl. 17:19]

Það er miklu skemmtilegra að sjá jákvæðu hlutina í kringum okkur. Nóg er af þeim! Það er bara eins og hafi orðið til einhver tíska að tala eingöngu um það sem er neikvætt. Tuða og kvarta. Þetta er mjög áberandi í flestum fjölmiðlum. (svo ég tuði nú aðeins og kvarti líka )

Sólarkveðjur norður til ykkar í vinalegu Dalvíkinni

[SFL (IP-tala skráð) 9.5.2008 kl. 03:28]

Þakkaðu fyrir það sem þú fékkst að upplifa í gær

þú skalt gleðjast yfir því sem þú færð að upplifa í dag

því þá getur þú hlakkað til morgundagsins

með kærleik

SFL