Skurðlæknirinn

Samkvæmt þessari frétt eru baunarnir aðeins minna kokhraustir en í fyrri fréttum en það er gott ef þeir eru sigurvissir. 

 „Það gætu liðið 10 ár þar til að við fáum annað eins tækifæri á að komast í úrslitaleik HM,“ 

segir hinn danski sérfræðingur Per "skurðlæknir" Skarupp. Við látum þetta ekki rætast, við förum ekki að tapa fyrir Dönum, það gengur ekki upp. Ég er þess fullviss að Íslenska liðið er meira en tilbúið í þennan leik á morgun og koma gjörsamlega dýrvitlausir til leiks - Munum öll að trúa því að við sigrum þá...ég get ekki beðið ég er svo spenntur. Áfram ísland.

HM: Fyrrum Framarinn Per Skaarup hrósar íslenska liðinu

Hafmeyjuna til íslands.

DANSKT PÓLSKT OG ÞÝSKT.
Nú skora á alla íslendinga að vera bjartsýnir, jákvæðir og umfram allt að hafa gaman af því sem koma skal í handboltanum. Við þurfum að mínu mati að vinna þessi 3 lið Danmörk, Pólland, og Þjóðverja og við eigum það svo sannarlega inni. Höfum ekki náð að vinna þau undanfarið, jafntefli við Dani rétt fyrir HM og síðan tap fyrir hinum tveimur Pólverjum og Þjóðverjum. Spá mín er  að Pólverjar vinni Rússa og síðan spilum við við Þjóðverja í úrslitunum...einhver spyr kannski hvað með Króatana...Frakkar vinna þá...og ég held að Þjóðverjar séu að toppa og ná sér á gríðarlegt flug á heimavelli, en tapa síðan einum leik.
Höfum gaman af þessu, verum bjartsýn og trúum þvi að við vinnum Danina og þá verður BARA gaman. Áfram ísland - Áfram ísland.
Danir eru mjög sigurvissir í fjölmiðlum eftir að kom í ljós við hverja þeira spila á morgun. Látum danina ekki vinna...tökum þá í bakaríið í handboltanum, stelum hafmeyjunni og setjum hana á miðja Reykjavíkurtjörn og áður en þeir fatta nokkuð erum við orðnir heimsmeistarar og þeir Hafmeyjulausir.

Danir verða mótherjar Íslands í 8-liða úrslitum

Æsingur í talningunni og nýtt framboð.

Það hefur naumast legið á að telja....einn kassi varð útundan, það hefði nú verið þokkalegt ef að þetta hefði snúist við...rétt búið að koma hinu í fréttirnar. Ég hef mikla trú á því að Margrét Sverrisdóttir yfirgefi flokkinn og einhverjir munu fylgja henni. N. k vika mun verða fjörug í pólitíkinni og svei mér þá.... held ég að það verði fleiri en ein stórfrétt á þessum vettvangi. Kannski verður tilkynnt um það sem Þráinn Bertelsson var að velta vöngum um í Silfri Egils rétt í þessu. Margrét Sverrisdóttir og Ómar Ragnarsson fari fram sem "Hægri grænir"

Kolbrún Stefánsdóttir kjörin ritari Frjálslynda flokksins

Lofa að gera þetta ekki aftur

Í síðustu færslu, þar sem ég var að segja frá því að mig hafi dreymt sigur gegn Þjóðverjum, minntist ég að mér væri sama hvort að við lentum í 1 - 3 sæti en ekki því fjórða...en við getum víst aldrei lent í því fjórða samanber þessa frétt...ég lofa að gera þetta ekki aftur

Ísland í fyrsta, öðru eða þriðja sæti?

Mig dreymdi......

Í nótt dreymdi mig að við myndum vinna Þjóðverja. Þannig að ég bíð spenntur eftir því að klukkan verði 14.30. Alfreð hvílir 3 menn, Óla, Loga og Guðjón Val...en vitiði..að við verðum ekkrt færri inná   Það koma menn inná sem þurfa að sanna sig og allt getur gerst. Að mínu mati skiptir ekki máli hvort að við lendum í 1 - 3 sæti í riðlinum...helst ekki því fjórða þá lendum við á móti Króötum. En við þurfum sennilega alltaf að spila við þá á leið okkar á toppinn. Áfram ísland.....

Pólland vann Túnis og úrslit í riðlinum ráðin

Blóðugur hittari.

Það er ekki annað hægt að segja en að Leikfélag Akureyrar standi vel að vígi er kemur að leikritavali. L.A hefur sýnt hvern “hittarann” á fætur öðrum og tel ég það ansi líklegt að aðsóknin minnki ekki við nýjasta verk félagsins Svartan kött eftir Martin McDonagh. Að vísu má leiða hugann að því hvort að það sé góð hugmynd gagnvart viðkvæmum leikhúsgestum að setja upp  setja upp tvisvar í röð (Herra Kolbert) blóðug verk með svörtum húmor, svo að ég vitni  í eldri konu sem sat rétt hjá mér á frumsýningunni laugardagskvöldið 20. janúar s.l. En aftur á móti er þetta veisla fyrir hina. Sýningin var sérstök hátíðarfrumsýning,  þennan dag fyrir 100 árum var fyrsta leikritið sýnt í samkomuhúsinu. Af því tilefni rúlluðu myndir úr gömlum verkum L.A á skjávarpa á leikhúsbarnum. Svartur köttur er 286. uppsetning Leikfélagsins.

Þetta hófst allt með því að dauður köttur fannst á veginum – kötturinn var eini vinur Patreks í öllum heiminum. Hann leitar hefnda, Maired leitar að ástinni, allir leita að Patreki nema Davey sem leitar að leið út úr klandrinu. Hér sjáum við sögu úr klikkuðum írskum heimi tilefnislausra ofbeldisverka.

Leikhópurinn í Svörtum ketti er blanda af nýjum leikurum og minna reyndum. En það er reynsluboltinn Þráinn Karlsson sem er stórkostlegur og töff í sýningunni, hann leikur hlutverk Donny föður illmennisins Patreks algjörlega óaðfinnanlega, hann sýnir á sér nýja hlið og þetta er með því allra besta  sem að ég hef séð til hans. Múnderingin á honum er slík að enginn má láta hana fram hjá sér fara. Guðjón Davíð Karlsson í hlutverki Davey er frábær leikari og gerir mjög vel en mér fannst að ég hafi séð þetta áður. Ívar Örn Sverrisson í hlutverki Patreks var ekki nógu ógnandi heilt yfir og ýmsar hreyfingar t.d með byssurnar sem eiga eftir að slípast betur. Þóra Karitas  í hlutverki Mairead þreytir hér frumraun sína í atvinnuleikhúsi er sjarmerandi og áhugaverð leikkona, hún svífur um sviðið, skilar sínu vel en þarf að gæta að framsögn. Krimmatríóið leika Páll Sigþór Pálsson  sem ég hef ekki séð áður, hann kostulegur, fyndinn og eftirminnilegur, Ólafur Steinn Ingunnarson er alveg frábær og með þeim betri í sýningunni, Gísli Pétur Hinriksson geri vel en á eitthvað inni.

Hljómsveitin SKE sér um tónlistina í verkinu og gera þeir þetta næstum því uppá tíu, hún hæfir vel og er eftirminnileg, leikmynd og búningar eru í höndum Filipíu Elísdóttur, búningarnir eru óaðfinnanlegir, og leikmyndin er mjög góð, maður dettur inn í hana og skemmtilegt hvað maður upplifði stemmninguna vel t.d á efri hæðinni, Lýsingin er í höndum Þórðar Orra Pétursonar sem er með þeim bestu og það er allt sem segja þarf.

Svartur Köttur er blóðugt gamanleikrit, sýningin er töff, dálítið brjálæðisleg og dökkur húmorinn svífur yfir vötnum.  Enn og aftur minnist ég á það að það eru forréttindi fyrir okkur hér á norðurhjaranum að hafa framsækið leikhús í slíkum klassa. Frumsýningin gekk ágætlega en þegar nokkur smá atriði verða búin að slípast þá er ekki spurning að hér er leikrit sem á eftir að ganga vel. Það er ljóst að Magnús Geir er að \gera vel, leikstjórnin er öguð og örugg, kannski hefði þurft tvo til þrjá daga í viðbót en þeir koma.
Ef þú ert hrifinn af Q Tarantino, svörtum húmor eða góðu leikhúsi yfirleitt tryggðu þér miða strax, þig gæti langað aftur.

Myndbandsbrot úr verkinu

*Þessi gagnrýni mín birtist fyrst á Degi -  www.dagur.net

Rykfallin lögreglutól.

Af fréttum af þessari lögreglu aðgerð þegar lögreglan náði að stöðva trukkaþjófinn er það alveg ljóst að lögreglan hefur unnið afar vel og er greinilega með góðan mannskap sem kann til verka. Það er gott að vita til þess og maður finnur fyrir öryggiskennd og ég held að það sé alltof sjaldan sem við hrósum lögreglunni okkar sem vinnur gríðarlega erfitt og oft vanþakklátt starf. Eftirfarandi úr fréttinni fannst mér nokkuð athyglisvert

"Bílnum var ekið um Reykjavík, Kópavog og Garðabæ, sem áður voru aðskilin lögregluembætti, og segir Geir Jón engan vafa leika á því að sameining þessara lögregluembætta hafi gert sitt gagn í aðstæðunum, þótt hann bendi á að sameiginlegt fjarskiptakerfi lögreglunnar milli embætta hafi áður verið komið í gagnið. "En stjórnunin á verkefninu varð sannarlega til þess að einungis var unnið samkvæmt einu verkferli hjá nýja embættinu. Það skipti sköpum."

Hefðu þetta verið mörg verkferli áður ? Er t.d lögreglan á Akranesi með í sameiginlegu fjarskiptakerfi lögreglunnar á höfuðborgarsvæðinu núna ? Í sinni einfeldni hélt maður að allar löggur væru í einum pakka, allir á sömu rásinni og það allt.
Það var líka gott að heyra að það hafi aldrei þurft að nota naglamotturnar.......allavega ekki til að stöðva ökuníðinga eða aðra glæpamenn.

Drógu fram naglamottur

9 sinnum ???

Hvað er í gangi ? þessi náungi hefur verið tekinn 9 sinnum fyrir of hraðan akstur og nú síðast á 199 km hraða, gaurinn er tvítugur. Þó að ég ætli ekki að líkja því beint saman en í allri umræðunni um barnaperra er sagt að þeir séu veikir og það þurfi að gelda þá. Þessi piltur hlýtur að ver eitthvað skertur og hans gelding ætti að vera svipting ökuleyfis ævilangt og síðan ætti að nota þetta sem dæmi öðrum ökuníðingum til varnaðar.

Mældist á 199 km hraða á Reykjanesbrautinni

X Factor 1

Sá fyrsta þáttinn af X Factor í Smáralindinni, smá stirðleikar í byrjun. Palli og Einar eru flottir en Ellý er kannski ekki alveg að gera sig...en við verðum að gefa henni sjéns hún á kannski eftir að venjast. Mér fannst Siggi Kapteinn bera af, Stelpurnar í Hara frá Hveragerði voru ferskar og mjög skemmtilegar, fjórfléttan var snilld, flestir aðrir voru bara góðir...það voru kannski Tinna og Gylfi sem náðu sér ekki á strik en þau geta þetta.

Stríð !!!

Alfreð segir að Bogdan Venta þjálfari Pólverja hafi logið að leikmönnum sínum að Alfreð hafi sagt eitthvað ljótt um þá...bara til þess að æsa sína menn upp....nú heldur Alfreð að Slóvenar hafi verið að spara sig fyrir leikinn við íslendinga.....Það verður fjör á morgun ..ég er mjög bjartsýnn, ég held að þetta allt saman kveikji í okkar mönnum og þeir komi dýrvitlausir til leiks. Við vinnum áfram ísland.  It´s war.

Alfreð: Leikurinn við Slóvena verður að vinnast