Hvað keyptir þú fyrir peningana sem frúin í Hamborg gaf þér ?

Hvernig ætli það sé að vinna 30 millur hmmm. Ætli það sé gott eða vont. Mig minnir að ég hafi heyrt um að þeir sem hafi unnið stærstu vinningana í Þýska lottóinu hafi ekki vegnað vel, orðið gjaldþrota eða ruglast hreinlega í kollinum...en líklegt er að vinningarnir hafi verið stærri.

En hvað getur maður gert við 30 millur á Íslandi.
Séð um laun bankastjóra í 3 mánuði.
Leigt C Ronaldo fyrir íslenskt 1. deildarlið sem er að falla í 23 mínútur.
Ekki fengið Elton John til að spila í afmæli...hann kostar 70 millur.
Ekki keypt þér 240 fermetra hús í 101.
Ekki borgað vexti af 40 ára húsnæðisláni.
Ekki keypt farmiða til tunglsins.

Þú getur keypt bland í poka og boðið stórum hóp í mat eftir 1.mars lækkunina...... svona er þetta en að lokum...Til hamingju með vinninginn NN.

 

Er 31 milljón ríkari

Engin óvissa.

Ég hef fyrir því nokkuð áræðanlegar heimildir hvað kappinn Harry Potter mun taka sér fyrir hendur.....ég trúi því nú ekki að að Johanna Kristín Ronaldsdóttir skapari hans fari að láta eina vinsælustu persónu bókmenntasögunnar drepast. Ég hef heyrt það og oftar en einu sinni að hann fari HINGAÐ að muni sjá um ýmis verkefni fyrir Sigurð Atlason og félaga.

P.s Þetta er trúnaðarmál þið látið þetta ekki fara lengra

Óvissa um afdrif Harry Potters

Samkvæmt þessari mynd........

 

Dagatal frá Alþingi 

 

.............Klárast nú ekki mörg mál í dag....fyrir þá sem ekki vita það þá þýðir Friday.. Föstudagur

83 mál á dagskrá þingfundar í dag

Er mogginn að klikka ?

Ég er búinn að fletta í gengum blaðið fjórum sinnum og ég finn ekki listann, mér þætti vænt um ef að einhver gæti annaðhvort bent mér á hvar hann er eða staðfest það við mig að einhver mistök hafi orðið. ....og ef svo er þá væri gaman að fá listann birtann á netinu.

Loksins marktækur listi um vinsælustu lögin

Hrikalegt.....

Ég vona að pilturinn sé ekki slasaður og ef svo er að það sé ekki alvarlegt og að hann nái sér fljótt. Ástæðan fyrir því að ég blogga um þessa frétt er að mér blöskar hvað það eru margir sem stunda snjóbretti sem nota ekki hjálma. Ég vona að þessi piltur hafi verið með hjálm. En svona almennt skil ég ekki hvaða töffaraskapur menn halda að það sé að hafa ekki hjálm á bretti, skíðum eða reiðhjóli. Ég þekki dæmi, fleiri en eitt um aðila sem hafa slasast mikið vegna þess að þeir voru ekki með hjálm, eru jafnvel fjölfatlaðir. Það að horfa uppá fullorðið fólk vera með börnunum sínum á skíðum og nota ekki hjálm sjálf er eitt sem fullorðnir ættu að hugsa um....en það að foreldrar liði það að börnin þeirra sé ekki með hjálma á skíðum eða bretti er bara ekki fyrirgefanlegt. Ég þykist vita að það eru ekki til lög um hjálmanotkun á skíðum né fyrir 14 ára og eldri á reiðhjólum. Það væri nær að stjórnmálamennirnir sem eru þessa stundina alveg að missa sig í einhverju sem engu máli skiptir samþykktu frekar lög um þessi mál. Allir með hjálm....það er hrikalegt að horfa á börn sem nota ekki hjálm við fyrrnefndar aðstæður.

Slasaðist á snjóbretti

Það er eitthvað yndislegt við þessa frétt

Það er eitthvað skemmtilegt  og ljúft við þessa frétt, ég er bara ekki viss hvað það er " Lögreglan stoppaði konu sem var á göngu með svan í plastpoka " Lögin segja að maður megi hafa svan heima hjá sér í tvo sólarhringa...dásamleg lög. Hún sagðist vera að fara með hann til dýralæknis ...og það er ekki ólöglegt...yndisleg lög. En málið er að konan er á stelilistalöggunnar eftir að það fundust ellefu svanir heima hjá henni í janúar.....og þeir voru búnir að vera þar lengur en tvo sólarhringa og það er saknæmt. Ég held að þetta sé fatahönnuður Bjarkar að viða að sér efni......eða despó kona sem finnur ekki mann á börunum eða á einkamálavefjum...hún fer með svani heim og kyssir þá í gríð og erg og vonast til að fram spretti hinn fullkomni eiginmaður sem er ekki samkynhneigður eða giftur.

Sænska svanakonan stöðvuð á götu

Eiríkur krúnurakaður með tattúið "Big Red" í skallanum

Jæja...nú er ég búinn að horfa nokkrum sinnum á Eurovision myndbandið með Eiríki Haukssyni. Ég ætlaði að tjá mig um það hér á blogginu strax að því loknu en ákvað að melta það aðeins og horfa á það aftur...og við það varð ég enn staðfastari á fyrstu skoðun minni. Myndbandið er algjör snilld, það er röff, töff og einfalt ef svo má að orði komast. Það snýst um Eirík, Ísland og kraftinn í laginu og það er það sem máli skiptir, þetta er öðruvísi en áður og það er það sem við þurfum til þess að ná athygli í þessum stóra hópi glamúrmyndbanda og laga. Ísland er eins og það er á myndbandinu og það er það sem selur. Það er ljóst að þarna hefur verið pró gengi á ferð sem sá um þetta myndband og ég er ekki frá því að einhverjir tónlistargúrúar út um heim munu renna hýru auga til myndbandsgerðaraðilanna. Eitt sem styrkir mig í því að þetta hafi verið gott eru viðbrögð Dr. Gunna í Kastljósinu, hann var öfundsjúkur....honum fannst Þetta gott en gat ekki alveg sagt það, hann var vandræðalegur og tapsár. Ég tel að myndbandið muni verða til þess að við dröttumst loksins áfram og Eurovision partýin verði tvö þetta árið. Og talandi um hár eða háralit..."skiptirinn" eins og krakkarnir segja, ekki komst Silvía Nótt langt þó að hún væri með 10 liti í hárinu eða hvað það nú var...þetta með að rugla í hárinu á honum var einfaldlega gott PR......og ég minni á að það getur mikið gerst þangað til 12. mai og hver veit nema að kappinn verði ljóshærður eða einfaldelga krúnurakaður og með Tattúið " Big Red" í skallanum. ÁFRAM ÍSLAND

Fullt af hrósi.

Stundum kvartar maður yfir því að það sé mikið að gera og yfir hinu og þessu....að vísu held ég að við mannfólkið séum yfirleitt mjög dugleg að kvarta...við erum mjög löt við að hrósa. En það sem ég ætlaði að fara að koma inná er að við ættum stundum að hugsa áður en við kvörtum því að allflest af því sem að við kvörtum yfir er ekki neitt neitt. Allt í kring um okkur er fólk sem virkilega hefur ástæður til að kvarta en gerir það ekki, fólk sem býr við sorg, er veikt eða býr við einhverskonar andlegt eða líkamlegt ofbeldi svo að eitthvað sé nefnt. Hættum að kvarta, en munum að það er í lagi að vera með góðfúslegar ábendingar...VERUM DUGLEG AÐ HRÓSA. Það eiga ALLIR skilið hrós, það þurfa allir hrós.  Hrósum í dag, eitt hrós á dag getur bætt þinn hag.

Samúð

Ég vil votta aðstandendum þeirra sem létust í sjóslysinu við mynni Ísafjarðardjúps samúð mína.

Sjóslys í Ísafjarðardjúpi: Flak trillunnar dregið að landi

Vaknað til að kveðja.

Vegir hins órannsakanlega eru holóttir, dularfullur og eflaust er okkur ekki ætlað að vita eða skilja allt. Þó er þessi saga af bandarísku konunni sem vaknaði úr dái eftir sex ára svefn, var vakandi í 3 daga og féll aftur í dá, sé ekki sú undarlegasta þó mögnuð sé. Það fyrsta sem manni dettur í hug er að hún hafi vaknað til þess að kveðja.

Kona vaknar upp úr dái eftir sex ár